Búhiisenumabu 18:2 - Jola-Kasa

² Li alob butiya aan: «Babiloon eyiisoole, Babiloon yáamakayi eyiisoole! Yoonosoono muñeˈe bukin bata kummal, huyolo hata uyinum wanoowan wajakut, huyolo hata basuu banooban bajakut, ban búsuumut bajuk.

Búhiisenumabu 18:2 ပူးပေါင်းရင်းမြစ်များ

Búhiisenumabu 1:15

Kootaku koola kunokoonokoo li fálam yaleñe ŋáa’ loon li buhaañ éfunnumuli ban li etuuyi. Hulimahu hoola li hunokoo li kácololen kata mal máamak.

Búhiisenumabu 10:3

Li akaaw butiya loon éŋaŋ el̥okemuu. Nan akaawumuu butiya loon muñaˈa, kufalajaj hutok li kúl̥uba li kuwel.

Búhiisenumabu 11:8

Sihuluŋasu sooliil fan sikaani li kaayeenaku kata ésukayi yáamakayi, tan Amaaŋenawu ooliil abaaŋimuu li ekuluwa. Kajawaku kan kunaake kúsalummuu ésukayi inyu, kooneyi Sodom li Ejíf.

Búhiisenumabu 14:15

Amalaka akee li áfulumul li eluufayi yata Ateemit, min alob butiya amalaka aahu abahumuu li kafaalaku aanool: «Uŋa’ ékaawumayi yooli min ukaaw mata taŋayi yata kakaawaku éliiŋe: emaanaayi yammuu li etaamayi yaale boot mata ecac!»

Búhiisenumabu 14:8

Nan átinaalawu alobumuu aban, amalaka akee ál̥ubut li áfulul ban li aan: «Babiloon eyiisoole, Babiloon yáamakayi eyiisoole, yo yakaanumuu bukanabuku kata sihetasu feh, kuhob bunukabu bata bucagayetabu, bakaanemuu Ateemit etindihuuñ.»

Búhiisenumabu 16:13

Muñeˈe li ijuk uyinum úhaaji wajakut wanokoole li sihool li úfulumul li butumabu bata éjunfuulayi, li bata énuukuleŋayi yákoyileniyaayi, li bata anawu ámalumuu aan afulofet laam.

Búhiisenumabu 16:19

Esúkayi yáamakayi li egiso ekaan ugeb úhaaji. Sísukasu feh sata banooban li adunaayi li sihumo. Ateemit amojenut Babiloon yáamakayi. Li akaan yo ehob bunukabu bata ejunkayi yoola, bunukabu bata etindihuuñayi yoola yáamakayi.

Búhiisenumabu 17:18

«Anaalaawu an ujukumuu, akila ammuu ésukayi yáamakayi yágootenumuu kúyiiyaku kata etaamayi.»

Búhiisenumabu 17:5

Li bájontumabu boola li baj kajaw kakiici to kan an ayilaat ahaas waa kufañe kulob: «Babiloon yáamakayi, jaaw ata sicagaasu, li ata wahawu wajakutumuu bajuk wammuu li etaamayi.»

Búhiisenumabu 18:10

Fan kuyito lóyi jakum bil kulo li sílaamasu sata yo. Fan kunaak koon: «Iyéno! Iyéno! Aa Babiloon, ésuk yáamak, ésuk yabaje sembe! Ewaatu yano bale Ateemit aŋalumuu min atiibi!»

Búhiisenumabu 18:21

Muñeˈe amalaka abaje sembe li aŋa’ hugisa haleˈe loon búsiken báamak, abeten li halahu ban li aan: «Muñowu ésukayi yáamakayi yata Babiloon, yommuu li ebil eyaan ebeteni teetaam li sembe, ban anoowan let alaañen ajuk yo.

Búhiisenumabu 5:2

Muñeˈe li ijuk amalaka abaje sembe anaake alob butiya aan: «Ayi atooke min áfulen bálikaañabu, min ábabul éliibalayi yata hubooñahu?»