Búhiisenumabu 17:3 - Jola-Kasa

³ Muñeˈe Buyinumabu li bulako lí ínje, amalakaawu li atebom ájowetum boot li kayiinaay. Li ijuk bo anaale alemboole li énuukuleŋ yájunke cúl. Enúukuleŋayi inyu ebaje kúkow koono hutok li kúl̥uba li usiin kuŋen, ban li ebaj tanootan li eniilayi yata yo ujaw wata kúgel Ateemit.

Búhiisenumabu 17:3 ပူးပေါင်းရင်းမြစ်များ

Máciya 27:28

Li kúfulen wañawu wata Yéesu min kukaanool hújufo hájunke.

Bakaanelabu 8:39

Nan kúfululumuu li malamu, Buyinumabu bata Amaaŋenawu li buteb Fílib buwujetum. Anáyinaawu ata Ecofi alaañut ajuk Fílib. Li ajow bútinool li ésuumansuum ló.

2 Kata Tesalonik 2:4

Fan áhi’ bukanabuku kúmanenum wahoowah feh wan kumanenemuu, li ahoy foof wahawu wan kujokumuu loon ateemit. Fan ajokoolo ahaŋ wahawu unwu feh, ban fan akaañen ajow abah li eluufayi yata Ateemit, min aan akila humumool ammuu Ateemit.

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.

Búhiisenumabu 12:14

Li kusen anaalaawu ubey úl̥uba wata huwaaluwahu háamakahu min áyit boot li hulakowahu hoola hammuu li kayiinaayaku, bájum li kúkuumenool bó simit síhaaji li húkej, min áloyi enuukayilaayi.

Búhiisenumabu 12:3

Búhiisenum bakee li bulaañen búfulumul li emitayi. Li kaan éjunfuu yáamak yájunke, yabaje kúkow hutok li kúl̥uba li usiin woono kuŋen. Li baj éjambi li húkowoohukow.

Búhiisenumabu 12:6

Anaalaawu okila li atey boot bata kayiinaayaku, ban Ateemit akaanoolumuu hulako, bánum li kúkuumenool bo kunak koono énjunne li síteemeel síl̥uba li kúyii kúhaaji.

Búhiisenumabu 17:18

«Anaalaawu an ujukumuu, akila ammuu ésukayi yáamakayi yágootenumuu kúyiiyaku kata etaamayi.»

Búhiisenumabu 17:4

Anaalaawu wañ wájunke lakaanowe li wájunke cúl, ban li ásangenoolum sikob sata éwulus, sata bagisa batiineniye ŋáa’ li usis. Li átuk li kaŋenool ejunk yata éwulus, yameeŋe tib wah wajakut bajuk. Wahawu unwu wo wommuu bucagayetabu boola bajakutumuu.

Búhiisenumabu 18:12

éwulusayi, ehaaliisayi, bagisa batiineniye ŋáa’, usisawu, wañ wata búbil, wañ wájunke, sooyayi li sileesaasu sájunkaasu cúl, uhanha wata bunuunuken banooban bagayinenowe ban li unaak uciiŋo, li wahoowah feh wákaanumi li úŋiiŋ loon wata eñaab, li wayijumi li simin sata unuunuken watiineniye, fálamayi, mañamu, mantee foof wahawu wan koonemuu maalub.

Búhiisenumabu 18:16

koon: «Iyéno! Iyéno! Iyéno ésukayi yáamakayi, yanaake ekokomuu wañ wata sooy yalehe, li wañ wájunke li wañ wájunke cúl, yanaake ekaanomuu éwulus, li bagisa batiineniye ŋáa’ li usis.

Búhiisenumabu 21:10

Buyinumabu li bulako lí ínje, amalakaawu li atebom ájowetum boot li huyuuy háamak hagimbe. Nan jíliiŋ dómuu, li áhiisom ésukayi yanabaayi, Yeelusalem yan Ateemit áwalenumulomuu li emitayi.

Búhiisenumabu 4:2

Muñeˈe Buyinumabu li buyaan bujokom. Li baj li emitayi efenjeŋ yata áyii. Li efenjeŋayi inyu an abah ló.