Búhiisenumabu 17:2 - Jola-Kasa

² Kúyiiyaku kata etaamayi kuhintenhinten yo. Bukanabuku kakinumuu li etaamayi li kúkaliyenoolum li bunukabu bata yo, ban li kulo li bucagayetabu bata yo.

Búhiisenumabu 17:2 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 2:10

min aanool: — Esúkayi feh ejandejand esen bukanabuku bunukabu bahaŋumuu másuum kuhob. Ban, nan kommuu kujow kuhob kufooñ, li ukit úkal̥ul bal̥aal̥umuu useniil. Bale awu, li ujow uhahen bunukabu bahaŋumuu másuum boot kit muñeˈe!

Búhiisenumabu 14:8

Nan átinaalawu alobumuu aban, amalaka akee ál̥ubut li áfulul ban li aan: «Babiloon eyiisoole, Babiloon yáamakayi eyiisoole, yo yakaanumuu bukanabuku kata sihetasu feh, kuhob bunukabu bata bucagayetabu, bakaanemuu Ateemit etindihuuñ.»

Búhiisenumabu 17:13

Kúyiiyaku umbu kuŋenayi, foofiil feh wah wano bale kuyinoole kakaan: kaŋa’ sembaasu sooliil li kayileyaku kooliil kusen énuukuleŋayi yákoyileniyaayi.

Búhiisenumabu 17:17

Mata Ateemit lakankaan li uyinumawu wata kúyiiyaku umbuku kuŋenayi húfañum hata kakaan wahawu wan ayinoomuu. Fan kujamoo min kuŋa’ sembaasu sooliil sata jáyiiyaju kusen énuukuleŋayi yákoyileniyaayi boot yok nan kulimaku kan Ateemit alobumuu kommuu li kubaj.

Búhiisenumabu 17:5

Li bájontumabu boola li baj kajaw kakiici to kan an ayilaat ahaas waa kufañe kulob: «Babiloon yáamakayi, jaaw ata sicagaasu, li ata wahawu wajakutumuu bajuk wammuu li etaamayi.»

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.

Búhiisenumabu 18:23

Ehiitum let elaañen ewuŋen booli. An foof let alaañen ajam booli hulim hata bukan kakite li kuyabo. Mata kújulawaabuku kooli kulakomuu bukanabuku káamakabuku kata etaamayi, ban li unaak ukaan jángafayinde, min ubunt bukanabuku kata sihetasu feh.

Búhiisenumabu 18:3

Bukanabuku kata sihetasu feh kuhohhob bunukabu bata bucagayetabu báamakabu bata yo. Kúyiiyaku kata etaamayi li kunaak kúfulo yo, kújulawaabuku kata etaamayi, li kújowum li bucagayetabu bata yo báamakabu, min kuhin kubaj.»

Búhiisenumabu 18:9

Kúyiiyaku kata etaamayi kanaake kúfulo yómuu, ban li kúloŋum li hubajahu hata yo, fan kúluulen ban li kul̥okoo mata yo, nan kommuu li kujuk hakoolahu hata sambunasu sásulemuu li yo.

Búhiisenumabu 2:22

Mó mújimuuu, fan ikaanool alo li sílaam sáamak li kuhint, ban fan ibet foof kufaalool kan kúfulowe bomuu muñaˈa li sílaam sáamak, buko bakatut makaanelamu moola.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.

Búhiisenumabu 9:21

Bukanabuku umbuku kujokut foof li ehaaseen min kukat jamuk bukan, kukatut kakaan jángafayinde, kukatut húfulo li alet alet, kukatut ékuwet.