Búhiisenumabu 16:6 - Jola-Kasa

⁶ Li mal̥egenamu, loon bukanabuku kúyumuu húsimahu hata bukanabuku kammuu kooli li hata kufulofetaku, mo foof luseniilumuu húsim kuhob. Kuyayyab bacaamiil.

Búhiisenumabu 16:6 ပူးပေါင်းရင်းမြစ်များ

Máciya 7:2

Mata Ateemit fan atiibuul loon jitiibemuu kaabuku. Kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul.

Hulimahu Hásuumaahu loon Lík akiic homuu 12:48

Bale aloka ahaasut waa anahaanawu oola afañe, ban li akaan wah watooke kútek, fan abaj katek kalewoole. An kusenoomuu ŋáa’, fan foof kubil kugel̥l̥enool ŋáa’. An li kusenool haŋ maluuk ŋáa’ aaken, fan kubil kugel̥l̥enool haŋ maluuk ŋáa’.»

Eébulo 10:29

Jifan jiyinoo min jijuk buu kama katek kata an abese Añiilawu ata Ateemit kóomi li kúsengi eeno; an ákaanumaatiye húsimahu hata húfaalumahu han kuŋalemuu min kúgiilen, ban li agel Buyinumabu basenemuu kájiyaku kata Ateemit.

Búhiisenumabu 11:18

Bukanabuku kata sihetasu feh etindihuuñ ejokiil, bale muñeˈe hunakahu húliiŋulo, nan etindihuuñayi yooli yommuu li ejuki. Hunakahu hata batiibabu bata bukanabuku kaketumuu húliiŋe. Hunakahu húliiŋe nan ommuu usuuhen kulokaabuku kooli, kammuu kufulofetaku, li bukanabuku feh kammuu kooli, katitabuku li káamakabuku, kákolimuu kajawaku kooli. Hunakahu foof húliiŋe nan ommuu uniilen, bukanabuku feh kakajenumuu etaamayi.»

Búhiisenumabu 13:10

An áami tómuu boot bil jajok, fan abil ajoki kul̥. An áami tómuu boot min abil amukumi li ékundu, manooman ékundu fan emukool. Wahawu unwu újimuu bukanabuku kata Ateemit koote kútuk tó lit, ban li kubaj káyinen.

Búhiisenumabu 13:15

Li kusen énuukuleŋayi yál̥ubutayi sembe min ekaan ebaaŋootayi yata énuukuleŋayi yátinaalayi eloŋ min enaak egoloo. Ebaaŋootayi li eyili elob, ban li eyili foof emuk bukanabuku feh kafañutumuu kumanen yo.

Búhiisenumabu 18:20

Bale awu Jamit, ésuumansuum elako li awu mata min ésukayi eniilomuu! Esúumansuum elako li bukuluul, jammuu bukanabuku kata Ateemit, bukuluul kufootalaku, mata Ateemit latittiib ésukayi inyu, mata min élaamenuulumuu.»

Búhiisenumabu 18:24

Ban booli húsimahu hujukimuu hata kufulofetaku, li hata bukanabuku kata Ateemit, li hata bukanabuku feh kálaamulimuu li etaamayi.»

Búhiisenumabu 19:2

Latiibetiib li mal̥egen ban li col! Mata latittiib ecagaayi yáamakayi, yalakomuu kakajenaku kata etaamayi li bucagayetabu bata yo. Ateemit latekootek min aluken kulokaabuku koola kan amukumuu.»