Búhiisenumabu 15:1 - Jola-Kasa

¹ Muñeˈe li ijuk li emitayi búhiisenum bakee báamak ban li bujak majak. Búhiisenumabu umbu bo bommuu: kumalakaaku koono hutok li kúl̥uba kaakene utek hutok li úl̥uba li kuŋeniil. Wo wommuu utekawu úsolaawu, mata li wo etindihuuñayi yata Ateemit yóomummuu li eban.

Búhiisenumabu 15:1 ပူးပေါင်းရင်းမြစ်များ

Búhiisenumabu 10:3

Li akaaw butiya loon éŋaŋ el̥okemuu. Nan akaawumuu butiya loon muñaˈa, kufalajaj hutok li kúl̥uba li kuwel.

Búhiisenumabu 11:14

Búyiikabu búl̥ubutabu buwuje. Muñeˈe, búyiikabu búhaajutabu bumbu li bubaj.

Búhiisenumabu 14:10

fan kuhob foof bunukabu bata etindihuuñayi yata Ateemit. Bunukabu umbu búsinfuti, ban li buyoŋeni li ejunkayi yata etindihuuñayi yáamakayi yata Ateemit. Bukanabuku umbuku kahobumuu bunukabu fan kúlaam ŋáa’ li hásufaahu hata sambunasu li hata batolokabu básoyiyaabu, hákil kumalakaaku kanabaaku li Agálalaanawu.

Búhiisenumabu 14:19

Amalakaawu li aŋa’ ékaawumayi yoola min al̥aaf etaamayi, min abaj útukusawu wata búbiiñabu bammuu li etaamayi, ban li aŋa’ wo akaan li buyinjaayabu báamakabu dán wommuu li ul̥uuteni, min híis etindihuuñayi yata Ateemit.

Búhiisenumabu 16:1

Muñeˈe li ijam hulim habaje sembe li húfulumul li Eluufayi yata Ateemit, haane kumalakaabuku hutok li kúl̥ubaaku: «Jijow jíyu li etaamayi sijunkasu hutok li síl̥ubaasu sata etindihuuñayi yata Ateemit!»

Búhiisenumabu 17:1

Muñeˈe akee li kumalakaaku hutok li kúl̥ubaaku kátukumuu sijunkasu hutok li síl̥ubaasu, li abil aanom: — Ubil min íhiisi buu ecagaayi yáamakayi yommuu li etiibi eeno, yo yáamimuu ésukayi yáamakayi yateefimuu kooj kusamu kameeŋe.

Búhiisenumabu 19:15

Ekúndu yañeke li éfulumul li butumabu boola boot kútek bukanabuku kata sihetasu feh. Fan aŋa’ egol yata mañ min amatiil. Fan áluuhiil li buyinjaay báamak loon kúul̥ kata búbiiñ áluuheyimuu boot kakaan ébiiñ, min áhiisiil etindihuuñayi yáamakayi yata Ateemit ata sembe.

Búhiisenumabu 21:9

Muñeˈe akee li kumalakaabuku hutok li kúl̥ubaaku kaakenumuu sijunkasu hutok li síl̥ubaasu sameeŋenimuu utekawu hutok li úl̥ubaawu úsolaawu, li abil aanom: — Ubil min íhiisi ábuwaawu, ammuu anaalaawu ata Agálalaanawu.

Búhiisenumabu 8:13

Muñeˈe li ijuke, li ijuk huwaalu halakowe jíyit haatiya tiya, li ijam ho li hunaak hul̥ok butiya hoon: «Iyéno, íyeno, íyeno bukanabuku kakinumuu li etaamayi, mata kumalaka kaabuku kúhaajiyaku kúji, kammuu li kumit kul̥ok usiinawu!»

Búhiisenumabu 8:2

Muñeˈe li ijuk kumalakaaku hutok li kúl̥ubaaku kalakowemuu hákil Ateemit. Li kuseniil usiin woono hutok li úl̥uba.

Búhiisenumabu 8:6

Kumalakaabuku hutok li kúl̥ubaaku kaakenumuu usiinawu hutok li úl̥ubaawu li kulako kágoluloo boot min kul̥ok usiinawu.

Búhiisenumabu 9:20

Bukanabuku kasaŋomuu, kaketutumuu li utekawu unwu, kubetut búsol wahawu wan buko humumiil kukaanumuu li kuŋeniil. Kukatut foof kamanen uyinumawu wajakutaawu, sibaŋootasu sata éwulusayi, li sata ehaaliisayi, li sata fálamayi, sata kugisaaku li sayijimuu li simin sata unuunuken. Li kuŋa’ so kukaan úciin, ban siyilaat sijuk, siyilaat sijam, siyilaat foof sijow.