Búhiisenumabu 14:8 - Jola-Kasa

⁸ Nan átinaalawu alobumuu aban, amalaka akee ál̥ubut li áfulul ban li aan: «Babiloon eyiisoole, Babiloon yáamakayi eyiisoole, yo yakaanumuu bukanabuku kata sihetasu feh, kuhob bunukabu bata bucagayetabu, bakaanemuu Ateemit etindihuuñ.»

Búhiisenumabu 14:8 ပူးပေါင်းရင်းမြစ်များ

Búhiisenumabu 11:8

Sihuluŋasu sooliil fan sikaani li kaayeenaku kata ésukayi yáamakayi, tan Amaaŋenawu ooliil abaaŋimuu li ekuluwa. Kajawaku kan kunaake kúsalummuu ésukayi inyu, kooneyi Sodom li Ejíf.

Búhiisenumabu 16:19

Esúkayi yáamakayi li egiso ekaan ugeb úhaaji. Sísukasu feh sata banooban li adunaayi li sihumo. Ateemit amojenut Babiloon yáamakayi. Li akaan yo ehob bunukabu bata ejunkayi yoola, bunukabu bata etindihuuñayi yoola yáamakayi.

Búhiisenumabu 17:18

«Anaalaawu an ujukumuu, akila ammuu ésukayi yáamakayi yágootenumuu kúyiiyaku kata etaamayi.»

Búhiisenumabu 19:2

Latiibetiib li mal̥egen ban li col! Mata latittiib ecagaayi yáamakayi, yalakomuu kakajenaku kata etaamayi li bucagayetabu bata yo. Ateemit latekootek min aluken kulokaabuku koola kan amukumuu.»