Búhiisenumabu 14:7 - Jola-Kasa

⁷ Amalakaawu li anaak alob butiya aan: «Jíkoli Ateemit ban li jisalool, mata ewaatuwayi nan ammuu li atiib bukanabuku éliiŋe. Jimanenool. Akila áwuwenumuu emitayi li etaamayi, husamuwahu li úbulenawu wata malamu.»

Búhiisenumabu 14:7 ပူးပေါင်းရင်းမြစ်များ

Máciya 25:13

Yéesu li aan: — Mó mújimuu jíkaanum, mata jihaasut hunakahu li ewaatuwayi nan Añool-An ammuu abil.

Hulimahu Hásuumaahu loon Lík akiic homuu 17:18

Kama muñowu li buko feh, ummu ammuu ajawoola bale álaañulumuu abil asal Ateemit?

Bakaanelabu 14:15

— Kúfaaloli, wáa újiye li jóomi li jikaan loon muñaˈa? Olóli foof bukan joom loon bukuluul. Jiŋaluluuŋa’ Hulimahu Hásuumaahu mantee kay li jikat bo kuteemitaku umbuku kaletumuu kuteemit kata mal̥egen, min jítiiwo jinab li Ateemit aloŋumuu, áwuwenumuu emitayi, li etaamayi, li halahu, li wahawu feh wáami dómuu.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

Búhiisenumabu 11:13

No unnu, etaamayi li egoloo ŋáa’. Bugebabu buŋenenabu bata ésukayi li buhumo, min bukan koono sínjunne hutok li síl̥uba kuket li kagoloolaku unku kata etaamayi. Bukanabuku kasaŋomuu li kúkoli ŋáa’, li kúbinken Ateemit ammuu haatiya emitayi.

Búhiisenumabu 11:18

Bukanabuku kata sihetasu feh etindihuuñ ejokiil, bale muñeˈe hunakahu húliiŋulo, nan etindihuuñayi yooli yommuu li ejuki. Hunakahu hata batiibabu bata bukanabuku kaketumuu húliiŋe. Hunakahu húliiŋe nan ommuu usuuhen kulokaabuku kooli, kammuu kufulofetaku, li bukanabuku feh kammuu kooli, katitabuku li káamakabuku, kákolimuu kajawaku kooli. Hunakahu foof húliiŋe nan ommuu uniilen, bukanabuku feh kakajenumuu etaamayi.»

Búhiisenumabu 15:4

Ayi aatut ákoliyi, Amaaŋen? Ayi aatut asal kajawaku kooli? Mata awu bale unabe. Bukanabuku kata sihetasu feh fan kubil kumaneni, mata buko feh kujuke buu makaanelamu mooli mucolumuu.»

Búhiisenumabu 16:9

Muñeˈe hásufa háamak li husow bukanabuku. Nan kusowomuu, li kugel kajawaku kata Ateemit aakumuu sembe sata kakaan bukanabuku kúlaam sílaam loon unsu. Bale li kuhoy bakat baloŋelabu booliil bajakutumuu, min kusal Ateemit.

Búhiisenumabu 18:10

Fan kuyito lóyi jakum bil kulo li sílaamasu sata yo. Fan kunaak koon: «Iyéno! Iyéno! Aa Babiloon, ésuk yáamak, ésuk yabaje sembe! Ewaatu yano bale Ateemit aŋalumuu min atiibi!»

Búhiisenumabu 18:17

Ewaatu yano bale efite min ebajayi inyu feh eniilo.» Kunahaanaku feh kata síbatowasu li bukanabuku feh kájowumemuu li halahu kujow kañaahoo, kalokemuu li síbatowasu, li káloŋummuu li halahu, buko feh li kuyito lóyi.

Búhiisenumabu 18:19

Li kukannoo, li kúluulen, li kugamoo ban li kul̥ok butiya koon: «Iyéno! Iyéno! Iyéno ésukayi yáamakayi, yan emmuu hubajahu hata yó hújimuu bukanabuku feh, kaakumuu síbato li husamuwahu li kubaj. Ewaatu yano bale efite mata min uyaan uniilo!

Búhiisenumabu 19:5

Hulim li húfulumul li efenjeŋayi yata jáyiiyaju, hunaake hoon: «Jisal Ateemit oololaal, bukuluul feh jammuu kuloka koola, bukuluul jákoliwoolumuu, bukuluul jammuu bañiil li bukuluul jammuu kunahaan.»

Búhiisenumabu 4:11

«Awu Amaaŋen Ateemit óololi, awu utookumuu min uyab kasalaku, li kábinkenaku, li sembaasu. Mata awu úwuwenumuu wahawu feh, Lufanfañ min wahawu feh ubaj, mó lí múji li úwuweni.»

Búhiisenumabu 4:9

Nanoonan nan wahawu ubakiilawu ukijene min uteben, li úbinken ban li usal anawu abahumuu li efenjeŋayi yata áyiiyawu, aloŋumuu boot nanoonan,

Búhiisenumabu 8:10

Amalakaawu áhaajutawu li al̥ok kasiinaku koola. Ewuut yáamak yátife loon húlaañaañ hata sambun, li élowumul li emitayi. Nan éliiŋulumuu, li elo li bugeb bano li ugebawu úhaaji wata utunkawu li uhuwenawu. (