Búhiisenumabu 14:2 - Jola-Kasa

² Li ijam hulim habilumulo li emitayi, ban li hunokoo li kácololen kata mal máamak. Li hunokoo foof loon kawel káamak kata hufalajaj. Hulimahu han ijamumuu hunokoonokoo li kawel kata sikontiñ.

Búhiisenumabu 14:2 ပူးပေါင်းရင်းမြစ်များ

1 Kata Koolent 13:1

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.

Búhiisenumabu 1:15

Kootaku koola kunokoonokoo li fálam yaleñe ŋáa’ loon li buhaañ éfunnumuli ban li etuuyi. Hulimahu hoola li hunokoo li kácololen kata mal máamak.

Búhiisenumabu 11:12

Bukanabuku kúl̥uba li kujam hulim habaje sembe háfulumulo li emitayi li hooniil: «Jiŋitowul boot haatiya!» Li kuŋitowum li kafaal boot li emitayi hákil kulatoolaaku kooliil.

Búhiisenumabu 11:15

Fúlum tó, amalakaawu ammuu oola, ban fan aaken jáyiiyaju unju boot nanoonan!»

Búhiisenumabu 15:2

Li ijuk foof husamu hayaaŋe loon eweel hágiiwoole li sambun. Li ijuk foof bukanabuku feh kabajumuu kaheek li énuukuleŋayi yákoyileniyaayi, li kambuwaku kata yo, li ecobayi yanaboomuu li kajawaku kata yo. Li husamuwahu unhu kuyitowe, ban li kútuk sikontiŋasu san Ateemit aseniilumuu.

Búhiisenumabu 18:22

An let amit ajam booli kawel kata ekontiŋ li kata kukijena, li kata kul̥oka sihombol li kata usiin. Let an alaañen ajuk booli aloka anoowan, ban foof an let alaañen ajam buya kawel kata búsiken.

Búhiisenumabu 5:8

Nan Agálalaanawu ayabumuu éliibalayi yata hubooñahu, wahawu ubakiilawu waloŋumuu li kunahaanaku áyii li kubakiilaku kahallenumuu, li kúkuntuŋ hákilool. Anoowan li buko ekontiŋ laakene li sijunk sata éwulus mameeŋe ecuulaay. Sijunkasu unsu sameeŋumuu ecuulaayayi so sommuu ul̥awawu wata bukanabuku kammuu kata Ateemit.

Búhiisenumabu 6:1

Muñeˈe li ijuk Agálalaanawu li átoŋ ábabul éliibalayi yan kuŋalumuu bálikaañ hutok li búl̥uba min kubab yo. Nan ákotulumuu bálikaañabu bútinaalabu, li ijam wakee li wahawu ubakiilawu waloŋumuu li ulob hulim haluuke loon kawel kata hufalajaj woon: «Ubil!»

Búhiisenumabu 8:7

Amalakaawu átinaalawu li al̥ok kasiinaku koola. Kuteyisa li sambun ságinnoole li húsim li siyaan sílowul li etaamayi. Bugeb bano li úhaajiyawu wata etaamayi li búsulo. Bugeb bano li úhaajiyawu wata unuunukawu li búsulo. Mahosamu feh maloŋumuu li músulo foof.