Búhiisenumabu 13:11 - Jola-Kasa

¹¹ Fúlum tó, li ijuk énuukuleŋ yakee yákoyileniye li éfulumul li etaamayi. Li ebaj usiin woono úl̥uba wanookoole li wata húgalalaan háyine hañiilowe, ban li enaak elob loon éjunfuu.

Búhiisenumabu 13:11 ပူးပေါင်းရင်းမြစ်များ

Máciya 7:15

— Jíkaanum bukanabuku kaanemuu efulofet koom ban let mal̥egen. Kúlohuluulumuu, li kukaan loon buko bukan kajake, ban káta láalayiil, sijangibujal salume.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

2 Kata Tesalonik 2:4

Fan áhi’ bukanabuku kúmanenum wahoowah feh wan kumanenemuu, li ahoy foof wahawu wan kujokumuu loon ateemit. Fan ajokoolo ahaŋ wahawu unwu feh, ban fan akaañen ajow abah li eluufayi yata Ateemit, min aan akila humumool ammuu Ateemit.

Búhiisenumabu 11:7

Bale nan kommuu li kuban elob bukanabuku hulimahu han Ateemit aseniilumuu, énuukuleŋayi yákoyileniyaayi yammuu li éfulumul li buwokaayabu básenkimuu fan etiikeniil. Fan eheekiil ban li emukiil.

Búhiisenumabu 12:17

Muñeˈe éjunfuulayi li el̥eet anaalaawu bil gay, li ejow etiik bubukoolumabu boola basaŋomuu. Bubukoolumabu umbu bo bommuu bukanabuku kátuulumuu siluwaasu sata Ateemit, ban li bunab li kulimaku kan Yéesu alobumuu.

Búhiisenumabu 13:1

Nan fú’ tómuu, li ijuk énuukuleŋ yákoyileniye li éfulumul li halahu. Enúukuleŋayi inyu ebaje usiin woono kuŋen li kúkow koono hutok li kúl̥uba. Li baj éjambi li kasiin kanookan. Li kukiic kajaw kata kúgel Ateemit li húkow hanoohan.

Búhiisenumabu 13:17

Anoowan ayilaat anoom wah mantee foof li ájula wah, akila babajut húlanguumaasowahu unhu, hammuu kajawaku kata énuukuleŋayi mantee ecobayi yanaboomuu li kajawaku unku.

Búhiisenumabu 13:4

Muñeˈe ésukayi feh li emanen éjunfuulayi, mata esensen kayile énuukuleŋayi. Bukanabuku feh li kunaak kumanen énuukuleŋayi koon: «Ayi anokoole li énuukuleŋayi? Ayi ayilo atiik li yo?»

Búhiisenumabu 16:13

Muñeˈe li ijuk uyinum úhaaji wajakut wanokoole li sihool li úfulumul li butumabu bata éjunfuulayi, li bata énuukuleŋayi yákoyileniyaayi, li bata anawu ámalumuu aan afulofet laam.

Búhiisenumabu 17:6

Li ijuke, li ijuk kaanaku anaalaawu húsimahu hata bukanabuku kata Ateemit li hata bukanabuku kan kumukumuu mata káyinenaku kooliil li Yéesu kúji, húkaliyenookaliyen. Nan ijukoolumuu li isego ŋáa’.

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.