Búhiisenumabu 13:10 - Jola-Kasa

¹⁰ An áami tómuu boot bil jajok, fan abil ajoki kul̥. An áami tómuu boot min abil amukumi li ékundu, manooman ékundu fan emukool. Wahawu unwu újimuu bukanabuku kata Ateemit koote kútuk tó lit, ban li kubaj káyinen.

Búhiisenumabu 13:10 ပူးပေါင်းရင်းမြစ်များ

Máciya 26:52

Yéesu li aanool: — Uhoon ékunduwayi yooli, mata bukanabuku feh katiikumemuu síkundu, fan kúketum síkundu.

Máciya 7:2

Mata Ateemit fan atiibuul loon jitiibemuu kaabuku. Kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul.

Hulimahu Hásuumaahu loon Lík akiic homuu 21:19

Jítukumuu lit, fan jifaken buloŋabu booluul.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

Eébulo 6:12

Jakum kahankenaku kooluul kúyaakulo, bale jiliikoo li bukanabuku káyinenumuu ban li kuhanken, li kuyab wahawu wan Ateemit alobumuu kasen.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 11:18

Bukanabuku kata sihetasu feh etindihuuñ ejokiil, bale muñeˈe hunakahu húliiŋulo, nan etindihuuñayi yooli yommuu li ejuki. Hunakahu hata batiibabu bata bukanabuku kaketumuu húliiŋe. Hunakahu húliiŋe nan ommuu usuuhen kulokaabuku kooli, kammuu kufulofetaku, li bukanabuku feh kammuu kooli, katitabuku li káamakabuku, kákolimuu kajawaku kooli. Hunakahu foof húliiŋe nan ommuu uniilen, bukanabuku feh kakajenumuu etaamayi.»

Búhiisenumabu 14:12

Wahawu unwu újimuu bukanabuku kata Ateemit, kátuulumuu siluwaasu soola ban li kúyinen li Yéesu, koote kuhanken min kúmuñ.

Búhiisenumabu 16:6

Li mal̥egenamu, loon bukanabuku kúyumuu húsimahu hata bukanabuku kammuu kooli li hata kufulofetaku, mo foof luseniilumuu húsim kuhob. Kuyayyab bacaamiil.

Búhiisenumabu 17:11

Enúukuleŋayi yaloŋeen nomuu ban muñeˈe elet li buloŋ, yo humum yo yommuu áyiiyawu atoken li áhaajutawu. Yo humum yo yóomisoomi foof akee li kúyiiyaku hutok li kúl̥ubaaku, ban boot min ejow boot kaniilo.

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.

Búhiisenumabu 2:19

Lihaase wahawu wan ukaanemuu. Lihaase húbooliyahu hooli li káyinenaku kooli, bulokabu booli li kahankenaku kooli. Lihaase een bulokabu booli búbanumabe buhaŋe maluuk bútinaalabu.

Búhiisenumabu 2:2

Lihaase wahawu wan ukaanumuu. Lihaase buu lulokumuu súf, li buu luhankenumuu eeno min úmuñ. Lihaase een uyilaat úmuñ bukanabuku kál̥afutumuu. Luŋeŋŋes min uhaas mantee bukanabuku kaanumuu buko kufootal koom mal̥egen, ban luhaase oon kulet kufootal. Lujuujuk kaanaku kúmammal.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.

Búhiisenumabu 3:3

Loote kama uwayil̥o kulimaku kan uyabumuu li kan ujamumuu. Ukaan loon kulimaku unku kulobumuu, min útiiwo uŋa’ buloŋ buwunkul. Ulíwowutumuu, fan ibil igoobi loon ákuu, ban let uhaas nan emmuu li ibil.