Búhiisenumabu 12:9 - Jola-Kasa

⁹ Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 12:9 ပူးပေါင်းရင်းမြစ်များ

Máciya 13:39

Alatoolaawu abetumuu emaanobasuuwayi, akila ammuu Sayitaane. Ecacayi, yo yommuu nan buloŋabu umbe bommuu li buban. Kucacaaku, buko kommuu kumalakaabuku.

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Máciya 25:41

«Fúlum tómuu, áyiiyawu fan abil aan bukanabuku kammuu kaŋenool kamay: “Jíloyiyom, bukuluul jan Ateemit ajokumuu bukan kajakut! Jijow li sambunasu sáhokoweliitumuu, sakaanimuu boot li Sayitaane li kumalakaaku koola!

Máciya 4:1

Muñeˈe Buyinumabu Banabaabu li bújowetum Yéesu boot li kayiinaayaku, bájum Sayitaane li abuntoolool bo.

Máciya 4:10

Yéesu li aanool: — Uyinno, Sayitaane! Hulimahu hata Ateemit hoone: «Amaaŋenawu, Ateemitawu uya balewool loote umanen, ban loote ulok boot li akila bale.»

Máciya 4:5

Muñeˈe Sayitaane li ájowetum Yéesu boot Yeelusalem, ésukayi yanabaayi, min ajow akaanool haatiya tiya eluufayi yata Ateemit.

Máciya 4:8

Sayitaane li alaañen ájowetum Yéesu boot haatiya huyuuy hagimbe ŋáa’, min áhiisool úyiiyawu feh wata etaamayi, boot li máyiineniyamu feh mata wo.

Hulimahu Hásuumaahu loon Lík akiic homuu 10:18

Yéesu li aaniil: — Lijuujuk Sayitaane li álowumul haatiya emitayi loon kawiwijen kata hufalajaj.

Hulimahu Hásuumaahu loon Lík akiic homuu 13:16

Ban anaalaawu umme, aanomuu bubukoolum bata Abulaham, ban Sayitaane li ajokool ajenk simit kaat li síhaaji, waa aateenut afakeni li hunakahu hata húyiiyaay?

Hulimahu Hásuumaahu loon Lík akiic homuu 22:3

Muñeˈe Sayitaane li enoken Sudaas an koonemuu Isikaaliyot, alakomuu akee li kúgoomaku kuŋen li kúl̥uba kata Yéesu.

Hulimahu Hásuumaahu loon Lík akiic homuu 22:31

Muñeˈe Yéesu li aan: — Simoŋ, Simoŋ, Sayitaane lal̥awul̥aw mantee li aheefenuul foofuul feh loon an aheefenemuu emaano min áfulen bakakelabu jata bo li búhulabu jata bo.

Hulimahu Hásuumaahu loon Lík akiic homuu 8:12

Kagendenaku kata bútinabu, ko kommuu bukanabuku kajamumuu Hulimahu hata Ateemit ban, Sayitaane li abil áfulen hó li uyinumawu wooliil jakum bil kúyinen min kufak.

Hulimahu Hásuumaahu loon Saŋ akiic homuu 12:31

Muñeˈe emmuu taŋayi nan Ateemit ammuu li atiib adunaayi inye. Muñeˈe Sayitaane ammuu anahaanawu ata adunaayi boot min akesooli áfu’ tíyaŋ.

Hulimahu Hásuumaahu loon Saŋ akiic homuu 14:30

Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,

Hulimahu Hásuumaahu loon Saŋ akiic homuu 16:11

Min kuyinoomuu mata batiibabu bata Ateemit inti mo, mata Sayitaane ammuu anahaanawu ata adunaayi inye, latiibi aban.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Bakaanelabu 5:3

Bale Fiyeel li aanool: — Ananiyaas, kama wáa újiye Sayitaane li anokeni li buyinum, min úmal usen Buyinumabu Banabaabu? Luŋaŋŋa’ bugeb bakee bata sídalamasu sata etaamayi yan újulamuu.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

Kata Lom 16:20

Ateemit ata kásuumaay muñeˈe li agunj Sayitaane li kootaku kooluul. Kájiyaku kata Amaaŋenawu oololaal Yéesu kujow kulako li bukuluul!

2 Kata Koolent 11:14

Bajut to kajaahale kanookan, mata Sayitaane humumool lakaanekaan loon amalaka laam ata mawuŋe.

2 Kata Koolent 11:3

Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa.

2 Kata Koolent 12:7

Liyiliyeene isaloolo ŋáa’ humum hata uhimmowawu wájaahalenimuu wan Ateemit áhiisommuu, bale lakaanonkaan min ibaj sílaam sáamak li eniilayi yúmbaam, jakum bil isaloolo. Wahawu unwu újimuu amalaka ata Sayitaane li abil atekom jakum bil itebenoolo.

2 Kata Koolent 2:11

jakum bil Sayitaane ájowum tó abuntolaal, mata luhaasaale waa wommuu li buyinumool.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

2 Kata Tesalonik 2:3

Jakum jikat an min abuntuul li makaane manooman. Li mal̥egenamu hunakahu unhu let húliiŋ búsukabu bajandut buhoy Ateemit, min Anawu átuulutumuu Ateemit áfulul, áami tómuu abilum aniileni.

1 Tímote 2:14

Ban inti Adam kubuntumuu, bale anaalaawu kubuntumuu min alo li kahoofoo.

2 Tímote 3:13

Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil.

Eébulo 2:14

Emmuu kama bañiilabu umbu kúl̥ahukowan koom, Yéesu humumool foof li aŋa’ bóono bata ál̥ahukowan, mantee li ájowum li eketayi yoola min ágooten Sayitaane aakumuu sembaasu sata eketayi.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

1 Saŋ 5:19

Luhaasaale oonaal alolaal Ateemit akilolaal, ban adunaayi feh yo inyu li kuŋenaku kata Sayitaane.

Eleetalayi yan Súd akiicumuu 1:9

Bale, maayeet Miseel humumool ammuu anahaanawu ata kumalakaaku, akaanut loon bukanabuku umbuku. Nan kúmuyumuu buko li Sayitaane min kulako búñakoo ehuluŋayi yata Móyiis, Miseel akaañenut agel Sayitaane. Lanoosaan bale: «Amaaŋenawu ajow ateki!»

Búhiisenumabu 12:12

Mó mújimuu, ésuumahukow ejow elako li emitayi li bukanabuku kakin dómuu! Bale búyiik bujow bulako li etaamayi li halahu! Mata Sayitaane láwalowulo boot li bukuluul, mawuñete ŋáa’. Lahaase aan taŋayi yasaŋowoolumuu efamut.»

Búhiisenumabu 12:3

Búhiisenum bakee li bulaañen búfulumul li emitayi. Li kaan éjunfuu yáamak yájunke, yabaje kúkow hutok li kúl̥uba li usiin woono kuŋen. Li baj éjambi li húkowoohukow.

Búhiisenumabu 12:7

Muñeˈe hutiik li hubaj li emitayi. Miseel li kumalakaabuku koola li kutiik li éjunfuulayi. Ejúnfuulayi foof li eŋa’ kumalakaabuku kata yo min etiik li buko.

Búhiisenumabu 12:8

Bale li kuheek éjunfuulayi, ban li kúhi’ yo élakowum li emitayi boot li kumalakaaku kata yo ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 16:14

Li mal̥egenamu, laalu uyinum wata kummalaku kakaanemuu wah wájaahaleniye. Uyinumawu unwu fan unaak ujow boot bata kúyiiyaku kata etaamayi feh bájum li uwoogeniil boot li hutiikahu hata hunakahu háamakahu hata Ateemit ata sembe.

Búhiisenumabu 18:2

Li alob butiya aan: «Babiloon eyiisoole, Babiloon yáamakayi eyiisoole! Yoonosoono muñeˈe bukin bata kummal, huyolo hata uyinum wanoowan wajakut, huyolo hata basuu banooban bajakut, ban búsuumut bajuk.

Búhiisenumabu 18:23

Ehiitum let elaañen ewuŋen booli. An foof let alaañen ajam booli hulim hata bukan kakite li kuyabo. Mata kújulawaabuku kooli kulakomuu bukanabuku káamakabuku kata etaamayi, ban li unaak ukaan jángafayinde, min ubunt bukanabuku kata sihetasu feh.

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.

Búhiisenumabu 2:13

Lihaase tay lukine: to efenjeŋayi yata jáyiiyaju jata Sayitaane yommuu. Lútuutuk to lit lí ínje, ban ukatut bo káyinenaku kan ubajumuu lí ínje, maayeet nan Antifaas alobemuu bukanabuku múmbaam li mal̥egen, kumukoolumuu booluul tan Sayitaane akinumuu.

Búhiisenumabu 2:24

«Bale bukuluul jata Tiyatiil jasaŋomuu, jijantenut kulimaku kajakutumuu kan kuliikenemuu ésukayi, ban jiliikenut wahawu wan bukanabuku umbuku kuyinoomuu li koon wo wommuu “Wahawu wayolomuu wata Sayitaane”. Boot min eenuul ilet li ilaañen ikaanuul búteb bakee.

Búhiisenumabu 2:9

“Lihaase sílaamasu sooli li bugayabu booli” — bale li mal̥egenamu lukankaan an abaje. Lihaase kulimaku kajakutumuu kan bukanabuku kaanemuu Kusuwif koom ban kulet Kusuwif, kulobemuu kuya li awu. Bale bukanabuku umbuku koonosoono huwoog hata Sayitaane!

Búhiisenumabu 20:10

Muñeˈe li kujok Sayitaane anaake abuntiilumuu kubeten li buwokaay bata sambun li batolok básoyiye ŋáa’, dán énuukuleŋayi yákoyileniyaayi foof yommuu li anawu ámalumuu aan afulofet laam. Fan kúlaam dó ŋáa’ etihunaka kuban ehuka, boot nanoonan.

Búhiisenumabu 20:8

ban fan ajow abunt bukanabuku kata sihetasu kayiisoomuu kuban etaamayi feh. Bukanabuku kata sihetasu unsu buko kommuu: Gog li Magog. Fan awoogeniil boot hutiikahu, ban fan kumeeŋ loon mul̥uyisamu mammuu bata katantaku kata husamuwahu.

Búhiisenumabu 3:9

Wahawu unwe léemimuu li ikaan bukanabuku kata huwoogahu hata Sayitaane, kámalemuu koon buko kusuwif koom ban kulet kusuwif. Fan ituuŋiil kubil kúkuntuŋ hákili, min kuhaas koon lifañifañ.

Búhiisenumabu 9:1

Muñeˈe amalakaawu atokenawu li al̥ok kasiinaku koola. Li ijuk ewuut yálowumulo li emitayi boot li etaam. Li kusen yo ekul̥umayi yata ekoloŋayi yata buwokaayabu básenkiyaabu.

Búhiisenumabu 9:20

Bukanabuku kasaŋomuu, kaketutumuu li utekawu unwu, kubetut búsol wahawu wan buko humumiil kukaanumuu li kuŋeniil. Kukatut foof kamanen uyinumawu wajakutaawu, sibaŋootasu sata éwulusayi, li sata ehaaliisayi, li sata fálamayi, sata kugisaaku li sayijimuu li simin sata unuunuken. Li kuŋa’ so kukaan úciin, ban siyilaat sijuk, siyilaat sijam, siyilaat foof sijow.