Búhiisenumabu 12:4 - Jola-Kasa

⁴ Ejúnfuulayi li eŋa’ huwetahu hata yo min ewuuwul bano li ugebawu úhaaji wata bawuutabu bammuu li emitayi, ébetenul li etaam. Li ejow eyito tan anaalaawu ajowemuu boot kanokenaku alakomuu, bánum li eyaan ejok añiilawu oola eme’ nan ammuu abuki.

Búhiisenumabu 12:4 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

Búhiisenumabu 12:7

Muñeˈe hutiik li hubaj li emitayi. Miseel li kumalakaabuku koola li kutiik li éjunfuulayi. Ejúnfuulayi foof li eŋa’ kumalakaabuku kata yo min etiik li buko.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:2

Enúukuleŋayi yákoyilenimuu yan ijukumuu enokoonokoo li esaamaay. Kootaku kata yo li kunokoo li kata húnuukuleŋ háamak hanokoole li etameel. Butumabu bata yo li bunokoo li bata éŋaŋ. Ejúnfuulayi li eŋa’ sembaasu sata yo, efenjeŋayi yata yo li kayile káamak, esen énuukuleŋayi yákoyileniyaayi.

Búhiisenumabu 13:4

Muñeˈe ésukayi feh li emanen éjunfuulayi, mata esensen kayile énuukuleŋayi. Bukanabuku feh li kunaak kumanen énuukuleŋayi koon: «Ayi anokoole li énuukuleŋayi? Ayi ayilo atiik li yo?»

Búhiisenumabu 16:13

Muñeˈe li ijuk uyinum úhaaji wajakut wanokoole li sihool li úfulumul li butumabu bata éjunfuulayi, li bata énuukuleŋayi yákoyileniyaayi, li bata anawu ámalumuu aan afulofet laam.

Búhiisenumabu 17:18

«Anaalaawu an ujukumuu, akila ammuu ésukayi yáamakayi yágootenumuu kúyiiyaku kata etaamayi.»

Búhiisenumabu 20:2

Li ajok éjunfuulayi yammuu enuukayilaayi yahaanayi, ban li yoono foof Ammalawu mantee foof Sayitaane. Amalakaawu li ajok yo ajenk boot simit soono énjunne.

Búhiisenumabu 8:10

Amalakaawu áhaajutawu li al̥ok kasiinaku koola. Ewuut yáamak yátife loon húlaañaañ hata sambun, li élowumul li emitayi. Nan éliiŋulumuu, li elo li bugeb bano li ugebawu úhaaji wata utunkawu li uhuwenawu. (

Búhiisenumabu 8:11

Ewuutayi inyu kajaw yo «Busik Bátaliye».) Bano li ugebawu úhaaji wata malamu li bútali mátali, ban kameeŋe li bukanabuku kahobumuu malamu ummu li kuket mata mútalitali ŋáa’.

Búhiisenumabu 8:12

Amalakaawu abakiilenawu li al̥ok kasiinaku koola. Bano li ugebawu úhaaji wata banakabu, li bano li úhaajiyawu wata hul̥eeñahu li bano foof li úhaajiyawu wata bawuutabu li bugoli gay bugeb bano li úhaajiyawu wata mawuŋaamu mata bo li múyaakulo. Bano li ugebawu úhaaji wata etihunakaayi li wata ehukaayi li búlimen.

Búhiisenumabu 8:7

Amalakaawu átinaalawu li al̥ok kasiinaku koola. Kuteyisa li sambun ságinnoole li húsim li siyaan sílowul li etaamayi. Bugeb bano li úhaajiyawu wata etaamayi li búsulo. Bugeb bano li úhaajiyawu wata unuunukawu li búsulo. Mahosamu feh maloŋumuu li músulo foof.

Búhiisenumabu 8:8

Fúlum tó, amalakaawu ál̥ubutawu li al̥ok kasiinaku koola. Li kubeten li husamuwahu wah ukee wanokoole li huyuuy háamak hátife sambun. Bugeb bano li úhaajiyawu wata husamuwahu li bulaañ húsim.

Búhiisenumabu 8:9

Bugeb bano li úhaajiyawu wata wahawu feh wammuu li husamuwahu li buket. Bugeb bano li úhaajiyawu wata síbatowasu, li bukajen.

Búhiisenumabu 9:10

Bábanguulabu umbu bubabbaj kuwet kabaje utah loon wata sil̥anguu. Li kuwetaku kata bo búbajummuu sembe sata kálaamen bukan kul̥eeñ koono hutok.

Búhiisenumabu 9:19

Mata sembaasu sata sifilinjebaasu li utumawu wata so silakowe li kuwetaku kata so foof. Kuwetaku kata so kunokoonokoo li sinuukayila, ban li kubaj kúkow kan kunaake kuŋammuu min kukaan majakut bukanabuku.