Búhiisenumabu 11:3 - Jola-Kasa

³ Fan íboñul bukan kúl̥uba káami li kúlobul li kajaw kúmbaam. Fan kukaano wañ wata ñikul, ban li kulob bukanabuku hulimahu hata Ateemit jow baj kunak koono énjunne li síteemeel síl̥uba li kúyii kúhaaji.

Búhiisenumabu 11:3 ပူးပေါင်းရင်းမြစ်များ

Máciya 11:21

— Katek káamak fan kulako li bukuluul jata ésukayi yata Koolasin! Katek káamak fan kulako li bukuluul jata ésukayi yata Betisayida! Mata wahawu wájaahalenimuu wakaanimuu booluul ukaaneenimuu li ésukayi yata Tiil li yata Sidoŋ, timbeen buko bakokowe kusaaku, ban li kúkannoolum búbunfa nan fiyowe, min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Máciya 18:16

Bale ajantenutimuu, li uŋa’ an ano mantee bukan kúl̥uba, min jilaañ jijow jijukool, «bájum hulim hanoohan hammuu hulobi, li lako kuyitowa kúl̥uba mantee foof kúhaaji kumaate nan hulobimuu,» loon Hulimahu hata Ateemit hulobumuu.

Hulimahu Hásuumaahu loon Lík akiic homuu 10:13

— Iyéno, awu Koolasin! Iyéno, awu Betisayida! Mata nokooleenumuu loon wahawu wájaahalenimuu wakaanimuu booluul, ukaaneenikaan li ésukayi yata Tiil li yata Sidoŋ, timbeen bukanabuku kakinumuu li sísukasu unsu, buko bakaanowe kusaaku min kúkannoolum búbunfa nan fiyowe. Muñowu kooteenumuu kukaan min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Hulimahu Hásuumaahu loon Lík akiic homuu 24:48

Bukuluul jimaatumuu wahawu unwu.

Hulimahu Hásuumaahu loon Saŋ akiic homuu 15:27

Ban bukuluul foof fan jilob bukanabuku múmbaam, mata nan ítoŋumuu bulokabu búmbaam boot muñeˈe, bukuluul jumbuku lí ínje.»

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 13:31

Yéesu li álaŋul kunak kameeŋe bukanabuku kanabumuu li akila kábilum Gálile boot Yeelusalem, kamaatoomuu ban li kóomi muñeˈe li elob moola kata Isilayeel.

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

1 Kata Koolent 12:28

Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.

2 Kata Koolent 13:1

Muñeˈe búhaajutom li éemi li ibil boot booluul. Loon Hulimahu hata Ateemit hulobumuu: «Wahoowah wan an akaane wóotimuu utiibi, fan ujandaal ujantenaal bukan kúl̥uba, mantee foof kúhaaji kamaate nan ukaanimuu.» Boot min ilob bukanabuku kahoofoo nomuu li kaabuku feh ikat to.

Kata Efées 4:11

Akila Kilisita humumool akaanumuu kukee kulako kufootal, kukee foof li kulako kuwaaleya kata Hulimahu Hásuumaahu, kaabuku li kulako kumata kata bukanabuku kata Ateemit, ban li kunaak foof kuliikeniil Hulimahu hata Ateemit.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 11:2

Bale jakum uliik ekaakayi yammuu tíyaŋ Eluufayi yata Ateemit, mata ekatikat bo boot li bukanabuku kákaanumutumuu li Ateemit balewool, kammuu li kúkakul ésukayi yanabaayi kul̥eeñ koono kúyii kúl̥uba li kúl̥uba.

Búhiisenumabu 11:6

Bukanabuku umbuku kúl̥uba kubaje sembe sata kabab emitayi, min kúhi’ yo élaalum buko baloŋe li kulob bukanabuku hulimahu han kúyabummuu li Ateemit. Li kubaj foof sembe sata kulaañen malamu mulako húsim. Kubaje foof sembe sata kakaan adunaayi feh élaam sílaam sanoosan loon súumiilumuu.

Búhiisenumabu 12:6

Anaalaawu okila li atey boot bata kayiinaayaku, ban Ateemit akaanoolumuu hulako, bánum li kúkuumenool bo kunak koono énjunne li síteemeel síl̥uba li kúyii kúhaaji.

Búhiisenumabu 13:5

Li kukat énuukuleŋayi min elob kulim kata kasaloolo li kata kagel Ateemit. Li kusen yo sembe min ekaan loon muñaˈa jow baj kul̥eeñ koono kúyii kúl̥uba li kúl̥uba.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 20:4

Muñeˈe li ijuk sifenjeŋ sata jáyii. Bukanabuku kabahumuu li so, li kuseniil sembe sata min kutiib. Li ijuk foof saalasu sata bukanabuku kan kufalenumuu kúkow mata kulollob bukanabuku hulimahu hata mal̥egen han Yéesu alobumuu, li mata Hulimahu hata Ateemit húji. Li ijuk foof bukanabuku feh kamanenutumuu énuukuleŋayi yákoyileniyaayi li kambuwaku kata yo, ban kubajut húlangumaasowahu hata yo li síjontumasu sooliil li kuŋenaku kooliil. Li kuyitowumul li eketayi kubil kulako kúyii li mano li Kilisita jow baj simit soono énjunne.