Búhiisenumabu 11:18 - Jola-Kasa

¹⁸ Bukanabuku kata sihetasu feh etindihuuñ ejokiil, bale muñeˈe hunakahu húliiŋulo, nan etindihuuñayi yooli yommuu li ejuki. Hunakahu hata batiibabu bata bukanabuku kaketumuu húliiŋe. Hunakahu húliiŋe nan ommuu usuuhen kulokaabuku kooli, kammuu kufulofetaku, li bukanabuku feh kammuu kooli, katitabuku li káamakabuku, kákolimuu kajawaku kooli. Hunakahu foof húliiŋe nan ommuu uniilen, bukanabuku feh kakajenumuu etaamayi.»

Búhiisenumabu 11:18 ပူးပေါင်းရင်းမြစ်များ

Máciya 5:12

Esúumahukow yáamak elako li bukuluul, ban li jíbaaloo, mata bacaamabu booluul fan buluuk ŋáa’ li emitayi. Mata li mal̥egenamu, muñaˈa kunaake kúlaamenumuu kufulofetaku kalako to nomuu tówum bukuluul.

Hulimahu Hásuumaahu loon Lík akiic homuu 1:50

Ban káyiyenaku koola fan kulako li bukanabuku kákoliwoolumuu li taŋ yanooyan.

Eébulo 9:27

Emmuu ál̥ahukowan ñano bale láami li aket, fúlum tómuu Ateemit li atiibool,

Búhiisenumabu 10:7

Bale nan amalakaawu atoken li ál̥ubutawu ammuu li al̥ok kasiinaku koola, wahawu wahaasutimuu wan Ateemit alobumuu kakaan, fan ubaj loon akila humumool alob womuu kulokaabuku koola kammuu kufulofetaku.»

Búhiisenumabu 11:2

Bale jakum uliik ekaakayi yammuu tíyaŋ Eluufayi yata Ateemit, mata ekatikat bo boot li bukanabuku kákaanumutumuu li Ateemit balewool, kammuu li kúkakul ésukayi yanabaayi kul̥eeñ koono kúyii kúl̥uba li kúl̥uba.

Búhiisenumabu 13:10

An áami tómuu boot bil jajok, fan abil ajoki kul̥. An áami tómuu boot min abil amukumi li ékundu, manooman ékundu fan emukool. Wahawu unwu újimuu bukanabuku kata Ateemit koote kútuk tó lit, ban li kubaj káyinen.

Búhiisenumabu 13:16

Enúukuleŋayi li etuuŋ bukanabuku feh, katitabuku li káamakabuku, kusaanumaku li kusukateenabuku, emiikeelayi li kaletumuu emiikeel, kukaaniil húlangumaaso li kaŋen káli mantee foof li éjontum.

Búhiisenumabu 14:10

fan kuhob foof bunukabu bata etindihuuñayi yata Ateemit. Bunukabu umbu búsinfuti, ban li buyoŋeni li ejunkayi yata etindihuuñayi yáamakayi yata Ateemit. Bukanabuku umbuku kahobumuu bunukabu fan kúlaam ŋáa’ li hásufaahu hata sambunasu li hata batolokabu básoyiyaabu, hákil kumalakaaku kanabaaku li Agálalaanawu.

Búhiisenumabu 15:1

Muñeˈe li ijuk li emitayi búhiisenum bakee báamak ban li bujak majak. Búhiisenumabu umbu bo bommuu: kumalakaaku koono hutok li kúl̥uba kaakene utek hutok li úl̥uba li kuŋeniil. Wo wommuu utekawu úsolaawu, mata li wo etindihuuñayi yata Ateemit yóomummuu li eban.

Búhiisenumabu 15:7

Wakee li wahawu ubakiilawu waloŋumuu li usen kumalakaabuku hutok li kúl̥ubaaku sijunk soono hutok li síl̥uba sata éwulus. Sijunkasu unsu etindihuuñayi yata Ateemit aloŋumuu boot nanoonan emeeŋen so.

Búhiisenumabu 18:6

Jikaan yo loon ekaanemuu bukan kaabuku, jicaam yo ñoono ñál̥uba wahawu wan ekaanumuu. Li ejunkayi dán eyawoolemuu bunukabu bata yo, jiyawoo ló bunuk bal̥aal̥e ñoono ñál̥uba boot li yo.

Búhiisenumabu 19:15

Ekúndu yañeke li éfulumul li butumabu boola boot kútek bukanabuku kata sihetasu feh. Fan aŋa’ egol yata mañ min amatiil. Fan áluuhiil li buyinjaay báamak loon kúul̥ kata búbiiñ áluuheyimuu boot kakaan ébiiñ, min áhiisiil etindihuuñayi yáamakayi yata Ateemit ata sembe.

Búhiisenumabu 19:18

Jibil jitokoñ kúyiiyaku, li kuhaanaku kata esollaaliyayi, li esollaaliyayi humumiil, sifilinjebaasu li kalemboolemuu li so, bukanabuku feh, kaletumuu emiikeel li káamimuu emiikeel, katitimuu li káamimuu bukan káamak.»

Búhiisenumabu 19:5

Hulim li húfulumul li efenjeŋayi yata jáyiiyaju, hunaake hoon: «Jisal Ateemit oololaal, bukuluul feh jammuu kuloka koola, bukuluul jákoliwoolumuu, bukuluul jammuu bañiil li bukuluul jammuu kunahaan.»

Búhiisenumabu 20:12

Muñeˈe li ijuk bukanabuku kaketumuu, káamakabuku li katitabuku mayitowe hákil efenjeŋayi yata jáyiiyaju. Síliibal li síbabuli, ban éliibal yakee foof li ébabuli: yo yommuu éliibalayi yata buloŋabu. Bukanabuku kaketumuu li kutiibi naboo li wahawu wan anoowan li buko akaanumuu, loon kiicumuu li síliibalasu.

Búhiisenumabu 20:15

Muñeˈe an kajawool kukiicutimuu li éliibalayi yata buloŋabu, li kubetenool li buwokaayabu bata sambunasu.

Búhiisenumabu 22:12

Yéesu li alaañen aan: — Ujanten, ínje muñeˈe li ibil. Ban fan íŋaloolul bacaamabu ban emmuu li isen anoowan, naboo li wahawu wan akaanumuu.