Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Búhiisenumabu 11:10 - Jola-Kasa

10 Bukanabuku feh kakinumuu li etaamayi fan súumiil buko bajame eketayi yata bukanabuku umbuku kúl̥uba. Fan kubaj ésuumahukow, ban li kunaak kusenoo bagam, mata bukanabuku umbuku kúl̥uba kammuu kufulofet kukankaan bukanabuku kakinumuu li etaamayi kúlaam ŋáa’.

အခန်းကိုကြည့်ပါ။ ကော်ပီ




Búhiisenumabu 11:10
29 ပူးပေါင်းရင်းမြစ်များ  

Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.


Li mal̥egenamu fan ilobuul: fan jil̥ok ban li jigamoo, bale bukanabuku kata adunaayi buko fan kulako li ésuumahukow. Fan jíyiyenoo, bale káyiyenoolaku kooluul fan kulaañ kulako ésuumahukow.


Bukanabuku kata adunaayi kuyilaat kulatuul, bale ínje kulatonlat mata líhiisehiis kaanaku bakaanelabu booliil bujakut.


Nan kata hujojahu háamakahu kujamumuu kulimaku unku, kuuñiil li kulit. Li kufañ min kumuk kufootalaku.


Húbooli ábajoliit ésuumansuum li wah wacolut, bale mal̥egen akaanewool ésuumansuum.


Nan éjunfuulayi ehaasumuu yoon ébetenulibeten li etaam, li eteyoo anaalaawu abukumuu añiilawu áyinaawu.


Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.


Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.


Amalakaawu atokenawu li áyu ejunkayi yoola li efenjeŋayi yata jáyiiyaju yata énuukuleŋayi yákoyileniyaayi. Jáyiiyaju jata yo li jilo li élim. Bukanabuku li séngiyiil bil gay li kunaak kulum kúlellufaku kooliil.


Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ