Búhiisenumabu 10:6 - Jola-Kasa

⁶ ban li anuulum li kajaw kata Ateemit aloŋumuu boot nanoonan, áwuwenumuu emitayi li wahawu feh wáami dómuu, li etaamayi li wahawu feh wáami dómuu, li husamuwahu li wahawu feh wáami dómuu. Amalakaawu li aan: «Muñeˈe let laañen kob boot nakee.

Búhiisenumabu 10:6 ပူးပေါင်းရင်းမြစ်များ

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 12:12

Mó mújimuu, ésuumahukow ejow elako li emitayi li bukanabuku kakin dómuu! Bale búyiik bujow bulako li etaamayi li halahu! Mata Sayitaane láwalowulo boot li bukuluul, mawuñete ŋáa’. Lahaase aan taŋayi yasaŋowoolumuu efamut.»

Búhiisenumabu 16:17

Amalakaawu atoken li ál̥ubutawu li áyu ejunkayi yoola li élusayi. Hulim habaje sembe li hujami li Eluufayi yata Ateemit, habilumulo li efenjeŋayi yata jáyiiyaju. Li hoon: «Muñeˈe bane!»

Búhiisenumabu 21:6

Li amit aan: — Muñeˈe bane! Injé emmuu átinaalawu li ábanumawu, húkitumahu li húbanumahu. An bahob bujokoolumuu, fan isenool malamu mata kábulenaku kata malamu mata buloŋabu ahob, ban let acaam.

Búhiisenumabu 4:10

kunahaanaku áyii li kubakiilaku kahallenumuu, li kúkuntuŋ hákil anawu abahumuu li efenjeŋayi yata áyiiyawu, min kumanen anawu aloŋumuu boot nanoonan. Fan kúfulen síjambiyasu sooliil kuwalen hákil efenjeŋayi yata áyiiyawu, ban li kunaak koon:

Búhiisenumabu 4:11

«Awu Amaaŋen Ateemit óololi, awu utookumuu min uyab kasalaku, li kábinkenaku, li sembaasu. Mata awu úwuwenumuu wahawu feh, Lufanfañ min wahawu feh ubaj, mó lí múji li úwuweni.»

Búhiisenumabu 4:9

Nanoonan nan wahawu ubakiilawu ukijene min uteben, li úbinken ban li usal anawu abahumuu li efenjeŋayi yata áyiiyawu, aloŋumuu boot nanoonan,

Búhiisenumabu 6:11

Muñeˈe li kusen anoowan li buko kájufo kahiite, ban li kooniil kukokkoben jakee boot yok nan kufaaliil kuloka, li kutuyiil kommuu lí kúli kan kommuu li kumuk loon buko.