Búhiisenumabu 1:18 - Jola-Kasa

¹⁸ Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 1:18 ပူးပေါင်းရင်းမြစ်များ

Máciya 11:23

Awu Káfeenawum, lonsoon fíle boot min utebeni boot haatiya emitayi? Maayeet! Bale Ateemit fan áwalenuli boot yok teetaam buwokaayabu bata sambunasu. Mata wahawu wájaahaleniyaawu wakaanimuu booli, ukaaneenimuu li ésukayi yata Sodom, timbeen yo to síyaat.

Máciya 16:19

Fan iseni sikul̥umasu sata Jáyiiyaju jata Ateemit. Wahoowah wan úñeyiyene li etaamayi, fan úñeyiyeni li emitayi. Wahoowah foof wan úñeyiyenut li etaamayi, let úñeyiyeni li emitayi.

Hulimahu Hásuumaahu loon Lík akiic homuu 24:5

Emmuu kanaalaabuku kúkolikoli ŋáa’, li kúsiten. Kánayinaabuku kúl̥ubaaku li kooniil: — Wáa újiye li joono li huŋes li kaketumuu, anawu aanomuu li buloŋ?

Hulimahu Hásuumaahu loon Saŋ akiic homuu 11:25

Yéesu li aanool: — Injé iyitenumulemuu kaketumuu li eketayi, ínje isenemuu buloŋabu. An áyinenumuu lí ínje, fan aloŋ maayeet min akete.

Hulimahu Hásuumaahu loon Saŋ akiic homuu 14:19

Let fiyo, min bukanabuku kata adunaayi kújukaatiwom. Bale bukuluul fan jijukom, mata ínje ummu li buloŋ, ban bukuluul foof fan jiloŋ.

Kata Lom 6:9

Luhaasaale li mal̥egenamu kaanaku min Kilisita ayitowumulomuu li eketayi, let abil alaañen aket; eketayi ebajut sembe sanoosan li akila.

2 Kata Koolent 13:4

Mal̥egen, nan kubaaŋoolumuu li ekuluwaayi lanokoonokoo loon an ágootowe, bale muñeˈe ummu li buloŋ humum hata sembaasu sata Ateemit. Li mal̥egenamu, áloli foof jígootogooto li hujokoolahu hóololi li akila, bale hákiluul, áloli fan jíloŋ li akila li sembaasu sata Ateemit.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Kolos 3:3

Li mal̥egenamu, bukuluul jikeeket ban buloŋabu booluul buyoliyo li Kilisita ammuu li Ateemit.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 7:16

Inti li eluwaayi mantee foof li kaŋoon kata an láamum álamba, bale li sembe sata buloŋ bayilaat buban láamum álamba.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

Búhiisenumabu 10:6

ban li anuulum li kajaw kata Ateemit aloŋumuu boot nanoonan, áwuwenumuu emitayi li wahawu feh wáami dómuu, li etaamayi li wahawu feh wáami dómuu, li husamuwahu li wahawu feh wáami dómuu. Amalakaawu li aan: «Muñeˈe let laañen kob boot nakee.

Búhiisenumabu 15:7

Wakee li wahawu ubakiilawu waloŋumuu li usen kumalakaabuku hutok li kúl̥ubaaku sijunk soono hutok li síl̥uba sata éwulus. Sijunkasu unsu etindihuuñayi yata Ateemit aloŋumuu boot nanoonan emeeŋen so.

Búhiisenumabu 2:8

— Ukiic amalakaawu ata Ejanguwayi yata Simiin oonool: «Anawu ammuu átinaalawu li ábanumawu, aketeenumuu ban li ayitowumul li eketayi, hulimahu unhe lalobe:

Búhiisenumabu 20:13

Halahu li húfulenul bukanabuku kaket lómuu. Eketayi li Dán kaketumuu kommuu, li kúfulenul foof bukanabuku kaketumuu kan kookenumuu, min kutiibiil naboo li wahawu wan anoowan li buko akaanumuu.

Búhiisenumabu 20:14

Muñeˈe li kuŋa’ Eketayi li Dán kaketumuu kulakomuu, kubeten li buwokaayabu bata sambunasu. Buwokaayabu umbu bata sambunasu bo bommuu eketayi yál̥ubutayi.

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane:

Búhiisenumabu 4:9

Nanoonan nan wahawu ubakiilawu ukijene min uteben, li úbinken ban li usal anawu abahumuu li efenjeŋayi yata áyiiyawu, aloŋumuu boot nanoonan,

Búhiisenumabu 5:14

Wahawu ubakiilawu waloŋumuu li unaak woon: «Aameen!» Kunahaanaku kahallenumuu li kúkuntuŋ min kumanen.

Búhiisenumabu 6:8

Li ijuke li ijuk efilinjebe yágiiniinete. Anawu alemboomuu li yo kajawool Eket. Dín bukanabuku kaketumuu kóomimuu li naak nábul li akila. Li kuseniil sembe li bugeb bukee bata etaamayi min kuyili kumukum bukanabuku kakinumuu li bugebabu umbu, li ékundu, li bamuufaay, li úsomut, li sínuukuleŋasu sata li bujal.

Búhiisenumabu 9:1

Muñeˈe amalakaawu atokenawu li al̥ok kasiinaku koola. Li ijuk ewuut yálowumulo li emitayi boot li etaam. Li kusen yo ekul̥umayi yata ekoloŋayi yata buwokaayabu básenkiyaabu.