Bakaanelabu 9:15 - Jola-Kasa

¹⁵ Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

Bakaanelabu 9:15 ပူးပေါင်းရင်းမြစ်များ

Máciya 10:18

Fan kujokuul kújowetum hákil kunahaanabuku kata ésukayi li bata kúyiiyaku mata ínje íji, min jíbajum tó bútin min jilob múmbaam hákil bukanabuku, li hákil kákaanumutumuu li Ateemit balewool.

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Bakaanelabu 13:2

Li líiŋ hunak hakee, buko balakowe kal̥aw Amaaŋenawu li kamommo ló, Buyinumabu Banabaabu li booniil: — Jikaanom li kakaŋ Balunabaas buko li Sóol boot li bulokabu ban ihooñiilumuu boot min kukaan.

Bakaanelabu 21:19

Fool li asaafiil aban, li akitteniil jak wahawu feh wan Ateemit ákaanummuu li bulokabu boola, hákil bukanabuku kákaanumutumuu li Ateemit balewool.

Bakaanelabu 22:14

Muñeˈe Ananiyaas li alaañen aanom: “Ateemit ata situubawolaal sihaan lal̥usil̥us akat to boot min uhaas húnongumahu hoola, li ujuk Yéesu acolumuu, ban li újamum li butumool hulimahu hoola.

Bakaanelabu 22:21

Muñeˈe Amaaŋenawu li aanom: «Ujow, mata boot min iboñi lóyi, bata bukanabuku kákaanumutumuu li Ateemit balewool.»

Bakaanelabu 25:22

Agilifa li aan Fésitiis: — Lifañe mín ínje humumom foof ijam ánayinaawu ummu. Fésitiis li aanool: — Fan ujamool kajom.

Bakaanelabu 26:1

Agilifa li aan Fool: — Luyilo ulob min ucahenoolo. Muñeˈe Fool li ateb kaŋenool min acahenoolo li kulimaku unke:

Bakaanelabu 26:32

Agilifa li aan Fésitiis: — Anáyinaawu ummu layilleene akateni, okila baaneenut áyiiyawu áamakawu atiibool.

Bakaanelabu 27:24

ban li aanom: «Fool, sákoli! Kaan min kaane, fan ujow utiibi hákil áyiiyawu áamakawu, ban awu an kájiyaku kata Ateemit kommuu li awu, awu ommuu li úji li afaken bukanabuku feh kan jommuu li ébatowayi.»

Bakaanelabu 28:17

Nan jeˈe bajumuu kunak kúhaaji, Fool li ahooñ boola kunahaanaku kata Kusuwifaku kata Lom. Nan kuwoogumuu li aaniil: — Kutuyom, maayeet min ikaanutumuu bukanolaal wah wajakut, mantee foof li múkaaniinamu mata situubawolaal sihaan, li kujokom Yeelusalem kubet li kuŋen kata kata Lom.

Bakaanelabu 28:28

Fool li afamen aan: — Joote kama jihaas joon Hulimahu hata Ateemit hata kafakaku, húboñuliboñul boot li bukanabuku kákaanumutumuu li Ateemit balewool: buko, fan kujanten ho!

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 11:13

Muñeˈe boot min ilob li bukuluul jaletumuu kusuwif. Emmuu ínje afootal leem ata bukanabuku kaletumuu kusuwif, kama boot min íhiis máyiineniyamu mata bulokabu búmbaam.

1 Kata Koolent 15:10

Bale kájiyaku kata Ateemit kújimuu li eeno loon emmee. Ban min áyiyenommuu li kájiyaku koola, inti kakaal̥o. Mata liloolok ihaŋ kufootal kaabuku feh. Bale inti ínje iloke, li mal̥egenamu, kájiyaku kan Ateemit asenommuu kulambenom ikaan bulokabu umbu.

1 Kata Koolent 9:16

Ilet li ijow kasaloolo mata min iwaaleyemuu Hulimahu Hásuumaahu. Li mal̥egenamu, laalu búteb ban Ateemit akaanom. Katek kujow kulako lí ínje, ínje bahoye kawaale Hulimahu Hásuumaahu.

Kata Galasi 1:1

Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

1 Tímote 2:7

Mó mújimuu Ateemit li al̥usom min akaanom ayiiŋena li afootal, boot kaliiken bukanabuku kaletumuu kusuwif mata káyinenaku li Yéesu Kilisita li mal̥egenamu. Imálut, mal̥egen lilobe.

2 Tímote 1:11

Ateemit lal̥usonl̥us ilako afootal li aliikena boot kawaale Hulimahu Hásuumaahu.

2 Tímote 2:4

Asollaali aloŋe li saluwiis, afañumuu min akaan anahaanawu oola súum, let aloŋ loon an alet li saluwiis.

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»