Bakaanelabu 7:59 - Jola-Kasa

⁵⁹ Nan kulakomuu katekaku koola kata kuyitikaku, Ecen li al̥aw Ateemit aanool: — Amaaŋenawu Yéesu, uyab buyinumabu búmbaam.

Bakaanelabu 7:59 ပူးပေါင်းရင်းမြစ်များ

Hulimahu Hásuumaahu loon Lík akiic homuu 23:46

Yéesu li akaaw butiya aan: — Faafa, iŋa’ yaalom iseni ooken. Nan Yéesu alobumuu kulimaku unku aban, li aket.

Bakaanelabu 2:21

Muñeˈe anoowan ammuu ahooñ kajawaku kata Amaaŋenawu, fan afak.»

Bakaanelabu 22:16

Muñeˈe kama waa lukobe li wo? Uyito úbatiiseyi min uhoofoolawu wooli ufosi awu bahooñe kajawaku kata Amaaŋenawu.”»

Bakaanelabu 9:14

Ban kunahaanaku kata élambaayi kusenoosen sembe min abil boot baabe, abil ajok bukanabuku feh kál̥awumemuu li kajawaku kooli.

Bakaanelabu 9:21

Bukanabuku feh kajamoolumuu li kawaaleyaku li kusego ŋáa’, li kunaak kugel̥l̥enoo koon: — Kama kele inti ánayinaawu ummu anaake álaamenumuu, li ésukayi yata Yeelusalem, bukanabuku kanaake kúl̥awummuu li kajawaku kata Yéesu? Inti okila anongumuu min abil boot baabe, abil kajokiil ájowetum ajow asen kunahaanaku kata élambaayi?

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

2 Tímote 2:22

Utey kásiibowaku kata húfuletowahu. Uŋes macole, káyinen, húbooli, li kásuumaay li bukanabuku feh kahooñemuu kajawaku kata Amaaŋenawu li buyinum basete.