2 Kata Tesalonik 3:6 - Jola-Kasa

⁶ Kutuyom, wahawu unwe jil̥awuul li kajaw kata Amaaŋenawu: jitey an li bukuluul afañut bulok, ban li ahoy baloŋ nab li makaanelamu man jiliikeniilumuu.

2 Kata Tesalonik 3:6 ပူးပေါင်းရင်းမြစ်များ

Máciya 18:17

Ahoyumuu bajanteniil, ulob mo Ejanguwayi. Ahoyumuu foof bajanten Ejanguwayi, ujokool loon an ákaanumut li Ateemit balewool, mantee foof loon an ajakut.

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

1 Kata Koolent 11:2

Injé ummu li kasaluul min jiwayil̥owewommuu li wahoowah feh, li min jinabemuu li kulimaku kúmbaam loon ilobuulumuu.

1 Kata Koolent 5:4

Jiwoogumuu li kajaw kata Amaaŋenawu Yéesu, buyinumabu búmbaam fan bulako li bukuluul. Li sembaasu sata Amaaŋenawu oololaal Yéesu Kilisita,

1 Kata Koolent 5:9

Li eleetalayi yan ikiiculuumuu, lilobuulob kaanaku jitey bukanabuku kahintowemuu li aletalet.

2 Kata Koolent 2:10

Anoowan an jibonkete wah wan akaane, ínje foof libonketool. Injé ibonketumuu, nokoomuu loon libabbaj wah wan eete ibonket, fan ibonket humum hooluul, hákil Kilisita,

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

1 Kata Tesalonik 4:11

Jiŋes min jiloŋ li kásuumaay. Jakum jinoken dán utumuul ulet. Jítuk li kuŋenuul min jilok min jiloŋ, loon jifinumuu min jilobuul.

1 Kata Tesalonik 5:14

Kutuyom, áloli jumbuku li kal̥awuul kaanaku: Jihab bukan li bukuluul kafañut kakaan bulok bal̥uule. Jiwankulen bukanabuku kákol̥l̥imuu, ban li jilamben kágootomuu. Jímuñ bukanabuku feh.

2 Kata Tesalonik 2:15

Kutuyom, mó mújimuu jítuk lit ban li jijok wahawu wan jiliikenumuulumuu li útumoli mantee foof li eleetalayi yóololi.

2 Kata Tesalonik 3:7

Bukuluul humumuul jihaase buu jommuu li jikaan loon áloli jikaanemuu. Mata áloli jikaanut bukan káfal̥e nan jilakumuu booluul.

1 Tímote 5:21

Fan ilobi hákil Ateemit li Yéesu Kilisita, li foof hákil kumalakaaku kal̥usimuu eeni: ukaan loon kulimaku unku kulobumuu ban jakum ulaañ bata anoowan, jakum ujuke li buul.

1 Tímote 6:5

búceeŋoolabu bábaneliitumuu bata bukanabuku kata uyinumawu wacolutumuu, kahaasutumuu mal̥egen. Kuyinooyinoo li koon kátuul Ateemit senesen hubaj.

2 Tímote 3:5

Fan kukaan loon kúyinenyinen li Ateemit, bale fan kuhoy wahawu wasenumuu sembe káyinenaku li Ateemit. Utey foof bukanabuku umbuku!

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

2 Saŋ 1:10

Nokoomuu loon an abile atookuul ban aliikenutuul nab li baliikenelabu umbu bata Kilisita, jakum jiyabool booluul, ban jakum foof jisaafool.