2 Kata Tesalonik 3:2 - Jola-Kasa

² Jil̥aw foof mantee Ateemit li áfakenoli li bukanabuku kajakutumuu ban li kúl̥afut. Mata inti bukanabuku feh kufañe min kúyinen Hulimahu.

2 Kata Tesalonik 3:2 ပူးပေါင်းရင်းမြစ်များ

Máciya 17:17

Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.

Máciya 23:23

«Katek kujow kulako li bukuluul, jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata fan jisen Ateemit bújufabu bata banuunukenabu baciiŋowemuu loon baaneyimuu: naana, búyil̥en, li édute. Bale fan jikat bo wahawu wan Eluwaayi yata Móyiis ehaŋumuu maluuken wammuu: buloŋabu ban Ateemit afañumuu, káyiyen, li kal̥egen li káyinenaku. Wahawu unwu jooteenumuu jikaan, ban jakum jikat bo wah waawu.

Hulimahu Hásuumaahu loon Lík akiic homuu 18:8

Fan ilobuul, Ateemit fan akooŋeniil li mahilaamu. Bale nan Añool-An ammuu li álaañul, fan átookul fíle bukan kabaje káyinen li etaamaye?

Bakaanelabu 13:45

Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.

Bakaanelabu 13:50

Bale Kusuwifaku li kutiken kanaalaaku kammuu bukan káamak li ésukayi, káyinenumuu li Ateemit, li bukanabuku káamakaku kata ésukayi, min kúji bukanabuku li kúlaaten Fool buko li Balunabaas, ban li kukesooliil kúfu’ li etaamayi yooliil.

Bakaanelabu 14:2

Bale Kusuwifaku kafañutumuu kúyinen li Yéesu, li kutiken bukanabuku kákaanumutumuu li Ateemit balewool min kubaj kayinoo kajakut li káyinenumuu.

Bakaanelabu 17:5

Bale Kusuwifaku li kutahaay ŋáa’. Li kujow kúŋalul kújos kál̥afute, kalakowemuu li útinawu, kubil kúkiŋul búsukabu min kukaan ésukayi éguul̥oo feh. Li kubil boot bata Saasoŋ huŋes Fool buko li Silaas, boot min kujokiil kukaan hákil búsukabu.

Bakaanelabu 25:27

Lenseen li mal̥egen colut min an aboñ an akul̥i boot Lom, akila bakiicut min alob jak wahawu wan anawu ummu akaanumuu wajakut.

Bakaanelabu 28:24

Kukee li buko li kúyinen mata wahawu wan alobiilumuu úji, bale kaabuku li kuhoy báyinen.

Kata Lom 10:16

Bale bukanabuku feh kútuulut Hulimahu Hásuumaahu. Li mal̥egenamu, Esay lansaan: «Amaaŋen, ayimaa áyinene hulimahu han áloli jiwaaleyemuu?»

Kata Lom 15:31

Jil̥aw mantee li ifak li kuŋen kata bukanabuku káyinenutumuu kata etaamayi yata Súde, mantee foof wahawu wan kusenommuu boot kájowetum Yeelusalem, bukanabuku káyinenumuu li Kilisita li kuyab wo bo li kásuumaay.

1 Kata Koolent 15:32

Nokoomuu loon bútajabu ban itajumuu li sínukuleŋasu sata li bujal li ésukayi yata Efées, li kayinoo kata ál̥ahukowan bale lítajum bo, jáliŋ buu léemi li ibaj to? Kaanumuu loon mal̥egen kaketumuu let kuyitowumul li eketayi, kama loon húlobuwahu hulobumuu: «Utiñaal ban li uhobaal, mata kajom fan uketaal.»

1 Kata Tesalonik 2:18

Wahawu unwu újimuu li jifañeen min jibil boot booluul. Injé humumom Fool liŋeseene ñameeŋe mata min ibil, bale Sayitaane li áhiloli jibilum.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!