2 Kata Tesalonik 2:9 - Jola-Kasa

⁹ Nan anawu ummu átuulutumuu Ateemit ammuu li abil li sembaasu sata Sayitaane, fan akaan wah wabaje sembe, li wah wájaahaleniye li búhiisenum banooban bájaahaleniye bata jabunt bukan.

2 Kata Tesalonik 2:9 ပူးပေါင်းရင်းမြစ်များ

Máciya 12:22

Muñeˈe li kúŋalul Yéesu ánayine áfuume ban ayilaat alob, mata buyinum bajakut bújufowool. Yéesu li afaken ánayinaawu min jíwool li ayili álobul, li ayili foof ajuk.

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Máciya 4:10

Yéesu li aanool: — Uyinno, Sayitaane! Hulimahu hata Ateemit hoone: «Amaaŋenawu, Ateemitawu uya balewool loote umanen, ban loote ulok boot li akila bale.»

Maak 13:22

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan búhiisenum li bújaahalenum mata min kuyiliyeen, li kubunt bukanabuku kan Ateemit al̥usumuu kulako koola.

Hulimahu Hásuumaahu loon Lík akiic homuu 11:25

Nan bulaañumuu búliiŋ, li butook eluufayi mawuuweli, wahawu feh majoojeneli.

Hulimahu Hásuumaahu loon Saŋ akiic homuu 4:48

Yéesu li aanool: — Bukuluul jijukutumuu búhiisenum li wah wájaahaleniye let jíyinen maayeet!

Hulimahu Hásuumaahu loon Saŋ akiic homuu 8:41

Bale bukuluul, jinannab li bakaanelabu bata atuubawuul. Li koon Yéesu: — Olóli jilet bañiil bahaasut atuubayiil. Atuuba ano bale jibaje: Ateemit!

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

2 Kata Koolent 11:14

Bajut to kajaahale kanookan, mata Sayitaane humumool lakaanekaan loon amalaka laam ata mawuŋe.

2 Kata Koolent 11:3

Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

Kata Efées 2:2

Jinaanaak jiloŋ buloŋ bata kahoofoo loon bukanabuku kata adunaayi inye kuloŋemuu. Jinaanaak jiloŋ loon anahaanawu ata uyinumawu wajakutaawu wammuu haatiya, afañumuu. Anahaanawu ummu akila ammuu Sayitaane, ammuu muñeˈe li bulok li uyinumawu wata bukanabuku kátuulutumuu Ateemit.

2 Tímote 3:8

Loon Janees buko li Jambulees kúhoogul nomuu Móyiis, mo foof bukanabuku umbuku kúhoogulemuu mal̥egenamu. Koonosoono bukan kaŋale uyinumawu wooliil kúluuŋ, ban káyinenaku kooliil kubajut jáliŋ.

Saak 3:15

Bújallo loon umbu inti li emitayi bubilumulo. Laalu bújallo bata adunaaye, bata hin bóono bata an, babilimulo li Sayitaane.

Búhiisenumabu 12:17

Muñeˈe éjunfuulayi li el̥eet anaalaawu bil gay, li ejow etiik bubukoolumabu boola basaŋomuu. Bubukoolumabu umbu bo bommuu bukanabuku kátuulumuu siluwaasu sata Ateemit, ban li bunab li kulimaku kan Yéesu alobumuu.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 18:23

Ehiitum let elaañen ewuŋen booli. An foof let alaañen ajam booli hulim hata bukan kakite li kuyabo. Mata kújulawaabuku kooli kulakomuu bukanabuku káamakabuku kata etaamayi, ban li unaak ukaan jángafayinde, min ubunt bukanabuku kata sihetasu feh.

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.

Búhiisenumabu 20:10

Muñeˈe li kujok Sayitaane anaake abuntiilumuu kubeten li buwokaay bata sambun li batolok básoyiye ŋáa’, dán énuukuleŋayi yákoyileniyaayi foof yommuu li anawu ámalumuu aan afulofet laam. Fan kúlaam dó ŋáa’ etihunaka kuban ehuka, boot nanoonan.

Búhiisenumabu 9:11

Ayíiyawu ata bo akila ammuu amalakaawu ata buwokaayabu básenkiyaabu. Amalakaawu ummu laaneyi li elobayi yata éebulo «Abadoŋ», li elobayi yata kata Gilees koonewool «Afoliyoŋ».