2 Kata Tesalonik 2:10 - Jola-Kasa

¹⁰ Fan aŋa’ makaane manooman majakut min abunt bukanabuku kammuu lí kújim. Wahawu wájimuu li kóoti kújim, wo wommuu min kufañutumuu kuyab mal̥egenamu maateenumuu mufakeniil.

2 Kata Tesalonik 2:10 ပူးပေါင်းရင်းမြစ်များ

Máciya 13:11

Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Hulimahu Hásuumaahu loon Saŋ akiic homuu 5:34

Bale ínje jokutom min an alob majake aya lí ínje, bale lilollob mo mantee li jifak.

Kata Lom 10:1

Kutuyom, wahawu wan ifañumuu li buyinumom feh ban li il̥aw wo Ateemit boot li kusuwifaku, wo wommuu min kufak.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

1 Kata Koolent 1:18

Li mal̥egenamu, kawaaleyaku kata eketayi yata Kilisita li ekuluwaayi, kulakolako bul̥uuhoo boot li bukanabuku kammuu li ejow li sambun, bale alolaal jaamaalumuu li bútinabu bata kafakaku, kawaaleyaku unku laalu sembaasu sata Ateemit.

1 Kata Koolent 16:22

An afañutumuu Amaaŋenawu, anawu ummu katek kujow kulako li akila. Maalanata — Ubil, Amaaŋen óololi!

2 Kata Koolent 11:13

Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom.

2 Kata Koolent 11:15

Mó mújimuu, jáahaleniwut min kulokaabuku kata Sayitaane kukaan loon kuloka koom kakaane wahawu wacolumuu hákil Ateemit. Bale buloŋabu booliil fan buban ŋóoti naboo li bulokabu ban kukaanumuu bajakutumuu.

2 Kata Koolent 2:15

Li Ateemit, alolaal oomaamuu li mal̥egenamu kaciiŋaku kásuumaaku kata Kilisita, hákil bukanabuku kammuu li kafak li kammuu li kájim.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

1 Kata Tesalonik 2:16

Li kufañeen min kúhiloli jíwaalewum bukanabuku kaletumuu kusuwif, Hulimahu hayilimuu hufakeniil. Muñowu kúhaŋummuu mawuuhen uhoofoolawu wooliil wan kufinemuu min kukaane kábilum no. Ban muñeˈe etindihuuñayi yata Ateemit elowe li buko.

2 Kata Tesalonik 2:12

Mó mújimuu Ateemit fan atek bukanabuku feh káyinenutumuu li mal̥egenamu, ban li kunaak kubaj ésuumansuum li kakaan majakut.

2 Kata Tesalonik 2:13

Kutuyom, óloli joote jisal nanoonan Ateemit mata bukuluul jíji, jan Amaaŋenawu afañumuu. Mata Ateemit lal̥usuul̥us yaan no li húkitumahu min áfakenumuul li Buyinumabu Banabaabu bakaanuulumuu jilako bukan kata Ateemit, jówum foof min jíyinenumuu li mal̥egenamu.

1 Tímote 2:4

afañumuu min bukanabuku feh kufak ban li kuhaas mal̥egenamu.

Eébulo 3:13

Joote kama jinaak jiwankulenoo nanoonan nan uyiliyaale oonaal «síyaat» yan Bakiicelabu bulobemuu mata yo, bájum jakum an li bukuluul ahoy bánaanum, min akat kahoofoolaku min kubuntool.

2 Fiyeel 2:12

Bukanabuku umbuku kukaanekaan loon bukan kaakut uyinum, loon sínuukuleŋ sabukeyimuu boot jajok jow muk.

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.