2 Kata Tesalonik 1:10 - Jola-Kasa

¹⁰ Li hunakahu unhu nan ammuu li abil, bukanabuku koola fan kúbinkenool, ban káyinenumuu li akila feh li kúgaalenool. Bukuluul humumuul fan jilako li bukanabuku umbu, mata jíyinenyinen li hulimahu han áloli jiwaalewuulumuu.

2 Kata Tesalonik 1:10 ပူးပေါင်းရင်းမြစ်များ

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 24:36

— Bale bajut an ahaase nay hunakahu unhu hommuu li húliiŋ, li nay ewaatuwayi inyu yommuu li éliiŋ. Kumalakaaku kammuu li emitayi kuhaasut. Añiilawu ahaasut. Atuubaawu bale ahaase.

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 7:22

Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye?

Hulimahu Hásuumaahu loon Lík akiic homuu 10:12

Fan eenuul, li Hunakahu hata Batiibabu, katekaku kata ésukayi inyu fan kuhaŋ másengi kata Sodom.

Hulimahu Hásuumaahu loon Saŋ akiic homuu 11:4

Nan Yéesu ajamumuu kulimaku unku, li aan: — Kásomutaku unku kajokumuu Laasaal, let kásomut kata eket. Bale kujokoojok bájum bukanabuku li kujuk máyiineniyamu mata sembaasu sata Ateemit, min Añiilawu ata Ateemit ábajum li kó kasal.

Hulimahu Hásuumaahu loon Saŋ akiic homuu 17:10

Wahawu wan ibajumuu feh wooli, ban wahawu wan awu ubajumuu feh wúmbaam, ban máyiineniyamu múmbaam múhiisihiis li buko.

1 Kata Koolent 1:6

Kulimaku kalobimuu mata Kilisita kubabbaj sembe li bukuluul.

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

Kata Galasi 1:24

Ban li kusal Ateemit mata ínje íji.

Kata Efées 1:12

Kama áloli jajandumuu jíkangum li Kilisita, joote jíji bukanabuku li kusal máyiineniyamu mata Ateemit!

Kata Efées 1:14

Buyinumabu Banabaabu bo búhiisumuu kaanaku Ateemit fan asenolaal wahawu feh wajakaawu wan alobumuu kasenolaal. Fan ubajaal wahawu unwu feh nan ammuu li afakenolaal bándoo. Kama usalaal máyiineniyamu mata Ateemit.

Kata Efées 1:18

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno.

Kata Efées 1:6

Lakankaan loon muñowu min usalaal másuumamu moola máamakamu man áhiisumolaalumuu li Añoolool an aboolaatumuu.

Kata Efées 2:7

Ateemit lájowunjowum li Yéesu Kilisita min áhiisolaal másuumamu moola li ololaal. Lakankaan loon muñaˈa min áhiis bukanabuku li taŋayi yabilemuu, buu másuumamu moola muluukumuu eeno muhaŋ wahoowah feh.

Kata Efées 3:10

Lakankaan mo, bánum li ájowum muñeˈe li ejanguwayi min áhiis kuhaanaaku feh li kujojaku feh li uyinumawu wabajumuu sembe haatiya emitayi, buu lájallomuu eeno li wahoowah feh wan akaane.

Kata Efées 3:16

Láyiineniyiineni ŋáa’ ban li abaj úsooniyen wáamak. Wahawu unwu újimuu lil̥awool mantee Buyinumabu boola li busenuul sembe min uyinumawu wooluul ulit.

1 Kata Tesalonik 1:5

Mata Hulimahu Hásuumaahu han jiwaalewuulumuu, inti li kulim bale jiwaale ho booluul. Bale jiwaalewuuwaale ho foof li sembe li búlambenum bata Buyinumabu Banabaabu, ban li káyinen ló kaanaku Hulimahu unhu mal̥egen. Bukuluul jihaase buu áloli jiloŋumuu li bukuluul boot li majake mooluul.

1 Kata Tesalonik 2:1

Kutuyom, jihaase bukuluul humumuul joon ebilayi yan áloli jibilumuu booluul inti maayiiñ.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

1 Kata Tesalonik 2:13

Wahawu unwe foof újimuu áloli jikatut kasal Ateemit: nan jilobuulumuu Hulimahu hata Ateemit, li jijanten ho ban jiyabut ho loon hulim hata an, bale jiyayyab ho loon Hulim hata Ateemit, ban li mal̥egenamu Hulim hata Ateemit hoom, mata hunhu li bulok li bukuluul jáyinenumuu li Yéesu.

2 Kata Tesalonik 1:12

Muñowu bukuluul jommuu li jíji kajawaku kata Amaaŋenawu oololaal Yéesu li kúbinkeni, ban okila humumool foof li ábinkenuul. Wahawu unwu feh ubilumbilum li kájiyaku kata Ateemit oololaal li kata Amaaŋenawu Yéesu Kilisita.

2 Kata Tesalonik 2:13

Kutuyom, óloli joote jisal nanoonan Ateemit mata bukuluul jíji, jan Amaaŋenawu afañumuu. Mata Ateemit lal̥usuul̥us yaan no li húkitumahu min áfakenumuul li Buyinumabu Banabaabu bakaanuulumuu jilako bukan kata Ateemit, jówum foof min jíyinenumuu li mal̥egenamu.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

2 Tímote 4:8

Muñeˈe bacaamabu bata kaheekaku bumbu li kakobom: bo bommuu éjambiyayi yata bukanabuku kan Ateemit ajokumuu bukan kacole, yan Amaaŋenawu áamimuu atiiba acole, ammuu li asenom li hunakahu hata Batiibabu. Ban let ínje balewom láami li asen yo, bale fan asen yo foof bukanabuku feh kammuu li banaak li húbooli ló taŋayi nan ammuu li álaŋul.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.