2 Fiyeel 3:3 - Jola-Kasa

³ Joote jijand jihaas kaanaku, li kunakaku kúbanumaku fan baj bukan káami li kúfulul ban fan kunaak kuloŋ naboo li kásiibowaku kooliil. Fan kunaak kujakakaayuul,

2 Fiyeel 3:3 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 12:48

An ahoyommuu ban li ahoy bayab kulimaku kúmbaam, labaje atiiba: hulimahu han iloboolumuu, ho hommuu hubil hutiibool li hunakahu húbanumahu.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Tímote 3:1

Uwayil̥o jak wahawu unwe: fan bil baj taŋ yásengiye ŋáa’ li kunakaku kúsolaaku.

Eébulo 1:2

Bale muñeˈe li taŋaye ébanumaye, li Añoolool lálobume li alolaal. Li akila lajuul̥ume adunaayi li wahawu feh wáami lómuu, ban akila lakaan tomuu boot min akil wahoowah feh.

2 Fiyeel 1:20

Joote jijand jihaas wahawu unwe: An ayilaat akitten akila humumool hulim han Ateemit álobume li an, háami li Bakiicelabu.

2 Fiyeel 2:10

háŋum bukanabuku kanabemuu li kásiibowaku kasetutumuu kata bóonowabu booliil, min kubes huhaanaahu hata Ateemit. Bukanabuku umbuku kúkangumoolokangumoolo, li kutebenoolo, ban kúkoliwut bagel búwuwenumabu báyiineniyaabu;

1 Saŋ 2:18

Kuñoolom, taŋayi ébanumayi ékoojulo! Jijanjam kaanaku Alatoola ata Kilisita fan abil. Ban muñeˈe baje kulatoola kameeŋe kata Kilisita. Wahawu unwu újimuu luhaasaale oonaal taŋayi ébanumayi éliiŋe.

Eleetalayi yan Súd akiicumuu 1:16

Bukanabuku umbuku kúkatoliit kámummunoo, ban wahoowahiil feh ufitutiil. Fan kunaak kuloŋ loon súumiilumuu, ban li kunaak kulob kulim kata katebenoolo. Li kunaak kúmammalen bukanabuku min kúbajum li buko wah.

Eleetalayi yan Súd akiicumuu 1:18

Koonuusoon: «Li húbanumahu hata taŋayi, fan baj bukan kacencengene, ban li kunaak kuloŋ loon súumiilumuu ban kúkoliwut Ateemit.»