2 Fiyeel 3:10 - Jola-Kasa

¹⁰ Hunakahu hata Amaaŋenawu fan hubil loon ákuu. Li hunakahu unhu, emitayi fan éjim li kawel ló kákoyileniye. Wahawu feh wammuu li emitayi fan uleem li sambun. Etaamayi fan ébujo boot li wahawu feh wáami lómuu.

2 Fiyeel 3:10 ပူးပေါင်းရင်းမြစ်များ

Máciya 24:35

Emitayi fan ebil ébujo, etaamayi foof fan ebil ébujo, bale kulimaku kúmbaam let kuniilo maayeet.

Maak 13:31

Emitayi fan ebil ébujo, etaamayi foof fan ebil ébujo, bale kulimaku kúmbaam let kuniilo maayeet.

Hulimahu Hásuumaahu loon Lík akiic homuu 12:39

Jihaas kaanaku, an ata eluufool ahaaseenumuu ewaatu yay ákuuwawu áami li abil, manooman let akatool min ásuuh eluufayi yoola min ánokenul.

Kata Lom 8:20

Búwuwenumabu bulolo li kuŋen kata sembaasu sakaanemuu wah úbajaati jáliŋ yanooyan, ban inti eeniseen li húnongum hata búwuwenumabu humum bo, bale li húnongum hata Ateemit abet bomuu li kuŋenaku kata sembaasu unsu. Bale loŋe li baj kákangum boot li búwuwenumabu umbu:

1 Kata Koolent 1:8

Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.

1 Kata Koolent 5:5

jibet anawu ummu li kuŋen kata Sayitaane min ábuj eniilayi yoola, mantee yaalayi yoola li ebil efak li hunakahu nan Amaaŋenawu ammuu li abil.

2 Kata Koolent 1:14

maayeet min kite eenimuu muñeˈe bugeb bale jínaanumoli joon: li hunakahu hata ebilayi yata Amaaŋenawu oololaal Yéesu, bukuluul fan súumuul li áloli, loon áloli foof emmuu súumoli li bukuluul.

1 Kata Tesalonik 5:2

Bukuluul humumuul jihaase jak kaanaku hunakahu hata Amaaŋenawu fan hubil an bahaasut loon ákuu abilemuu li huk.

1 Kata Tesalonik 5:4

Kutuyom, bale bukuluul jilet li élim mata min bil hunakahu unhu hugoobuul loon ákuu.

2 Fiyeel 3:11

Emmuu wahawu feh fan úbujo loon muñowu, kama joote jínaanum wáa jóotimuu jikaan. Baloŋelabu booluul boote bunab, ban li jibaj kákoli kata Ateemit.

2 Fiyeel 3:12

Bukuluul jumbuku li kakob min Hunakahu hata Ateemit húliiŋ, ban joote jikaan manooman min húliiŋul cab. Hunakahu unhu emitayi yommuu li ésulo ejow eleem mootoj, min wahawu wáami lómuu ubuuwo li hásufaahu hata sambunasu.

2 Fiyeel 3:7

Emitayi inye li etaamayi inye, so, Hulimahu hanolahu hata Ateemit hukaakat so to boot bil li hunakahu nan kulatoolaaku kata Ateemit kommuu li kutiibi min kubaj katek boot nanoonan. Hunakahu unhu, emitayi li etaamayi fan siniileni li sambun.

Eleetalayi yan Súd akiicumuu 1:6

Jiwayil̥o foof kumalakaaku kátijutumuu li huhaanaahu han Ateemit aseniilumuu, min kúkatul bó bukinabu bammuu booliil. Ateemit li ajokiil ajenk boot nanoonan akat li élimayi, min kunaak Hunakahu háamakuhu hata batiibabu.

Búhiisenumabu 16:15

Amaaŋenawu li aan: «Jijanten, fan ibil loon ákuu! Awólo anawu aatutumuu ámooli min afooy wañawu woola, jakum bil ajow bákolotoo min abaj ñisuu hákil bukanabuku feh.»

Búhiisenumabu 20:11

Fúlum tó, li ijuk efenjeŋ yahiite yáamak yata jáyii, li anawu abah lómuu. Emitayi li etaamayi li sitey síloyiyool, ban anoowan alaañenut ajuk so.

Búhiisenumabu 21:1

Fúlum tó, li ijuk emit yawunkul li etaam yawunkul. Emitayi yátinaalayi li etaamayi yátinaalayi síjinjim, ban hándiinaam hulaañenut hubaj.

Búhiisenumabu 3:3

Loote kama uwayil̥o kulimaku kan uyabumuu li kan ujamumuu. Ukaan loon kulimaku unku kulobumuu, min útiiwo uŋa’ buloŋ buwunkul. Ulíwowutumuu, fan ibil igoobi loon ákuu, ban let uhaas nan emmuu li ibil.

Búhiisenumabu 6:14

Emitayi li éjim loon hubooñ hata éliibal abooñeyimuu. Kuyuuyaku feh li kuyinno tan kulakomuu, sítebelemukasu foof li siyinno.