2 Fiyeel 2:2 - Jola-Kasa

² Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.

2 Fiyeel 2:2 ပူးပေါင်းရင်းမြစ်များ

Máciya 22:16

Li kúboñul kúgoomaku kooliil li bukanabuku kata hujojahu hata Elod kujow koon Yéesu: — Anahaan, jihaase joon awu an alobe mal̥egen. Ban luliikeneliiken bukanabuku li mal̥egen buu kommuu kunaak kuloŋ loon Ateemit afañumuu. Ukóliwut anoowan, mata újukeleliit li buul.

Máciya 24:24

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Máciya 7:14

Bale kámbiilaku kata buloŋabu, kuhohhog. Bútinabu foof bata buloŋabu búsengisengi éjowum. Bukanabuku kajukumuu bútinabu umbu bata buloŋabu kumeeŋut.

Maak 12:14

Mal̥egen li kujow kúliiŋ, li koon Yéesu: — Anahaan, jihaase joon awu an alobe mal̥egen, ban úkoliwut anoowan mata újukeleliit li buul. Ban luliikeneliiken bukanabuku li mal̥egen buu kommuu li kunaak kuloŋ loon Ateemit afañumuu. Ulóboli, mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’? Mantee lootaale usenaal búhalabu, mantee ootutaal usenaal bo?

Maak 13:22

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan búhiisenum li bújaahalenum mata min kuyiliyeen, li kubunt bukanabuku kan Ateemit al̥usumuu kulako koola.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

Bakaanelabu 14:2

Bale Kusuwifaku kafañutumuu kúyinen li Yéesu, li kutiken bukanabuku kákaanumutumuu li Ateemit balewool min kubaj kayinoo kajakut li káyinenumuu.

Bakaanelabu 16:17

Jísungutaaju unju li jinaak jínabul li Fool li óloli, mo jilobemaa butiya joon: — Kánayinaabuku umbuku kuloka kata Ateemit ata Haatiya tiya! Kubiibil min kúhiisuul bútinabu bata kafakaku!

Bakaanelabu 18:26

Li anaak alob li mal̥egenool li eluufayi yata kal̥awaku yata Kusuwifaku. Nan Filisila buko li Akilaas kujamoolumuu li alob, li kuŋalool kújowetum booliil, kujow kukittenool Bútinabu bata Ateemit haŋ macol.

Bakaanelabu 19:9

Bale kukee li buko kufañut kujam, min kuhoy báyinen ban li kunaak kulob kulim kajakut kuya li Bútinabu bata Amaaŋenawu hákil ésukayi. Muñeˈe Fool li ajow akatiil to, ban li aŋa’ kúgoomaku ájowetum, min anaak ajow awaale hunakoohunak li elekoolayi yata Tíilanus.

Bakaanelabu 22:4

Litiikentiiken bukanabuku kanabumuu li bútinabu bata Amaaŋenawu yok kuket. Li ijok káyine li kanaale ikul̥.

Bakaanelabu 24:14

Bale boot eeni wahawu unwe wo mal̥egen: li bútinabu buwunkulabu ban kujokumuu loon bulet mal̥egen, linabe. Ban li eeno li bulok boot li Ateemit ata situubawolaal sihaan. Líyinenyinen li wahawu feh wakiicimuu li éliibalayi yata Eluwaayi.

Kata Lom 2:24

Li mal̥egenamu, Bakiicelabu bonsoon: «Bukuluul kusuwifaku jíjimuu, bukanabuku kaletumuu kusuwif li kunaak kugel kajawaku kata Ateemit.»

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

Eleetalayi yan Fool akiicumuu Tit 2:5

Kusaabiil min kubaj uyinum, min foof kulako kanaale káteyiliit kunab li kánayine, kulako kanaale kayilo kaaken siluufiil jak, ban li kulako bukan kajake, kútuule kúyiniil, jakum bil an alob kulim kajakut aya li hulimahu hata Ateemit.

Eleetalayi yan Fool akiicumuu Tit 2:8

Kulimaku kuya koote kulako kulim kacole kan an ayilaat áhoogul, bájum kulatoolayi jakum kulob kulim kajakut kuya li alolaal, min kubaj ñisuu.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

2 Fiyeel 2:12

Bukanabuku umbuku kukaanekaan loon bukan kaakut uyinum, loon sínuukuleŋ sabukeyimuu boot jajok jow muk.

2 Fiyeel 2:15

Kúfuffu’ li bútinabu bacolumuu, min kujow kújim li bútinabu ban kunabumuu li bo bata Balam an Bosool abukumuu. Balam kucaamoocaam sídalam boot min akaan majakut, li aan éehe’,

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

2 Fiyeel 2:21

Kuhaasenhaas bútinabu bata macolamu, bale li kubet búsol kulimaku kanabaaku kan kuliikeniilumuu. To untu, kama haŋeene majak boot li buko min kúhaasaati bútinabu umbu bata macolamu.

2 Fiyeel 2:7

Li afaken Lot ammuu an acole, ban bakaanelabu basuuneniyaabu bata bukanabuku kata taŋayi yoola li búsengiwool ŋáa’.

Eleetalayi yan Súd akiicumuu 1:10

Bale bukanabuku umbuku kátuulutumuu Ateemit buko fan kugel wahawu wan kuhaasutumuu. Wahawu wan kuhine kuhaasumuu, kuhahhaas wo bale loon sínuukuleŋasu saakutumuu uyinum sihaasemuu wah. Ban wahawu unwu humum wo, wo wommuu li újimeniil.

Eleetalayi yan Súd akiicumuu 1:15

boot batiib bukanabuku feh, min akaan bukanabuku feh kátuulutumuu Ateemit kúnaanum kaanaku fan kúbajum katek li bújakaatiyabu booliil li wahawu feh wajakutumuu wan kukaanumuu, li kulimaku feh kajakutumuu kan kuhoofoolaabuku umbuku kátuulutumuu Ateemit kulobumuu kuya li akila.»

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Eleetalayi yan Súd akiicumuu 1:7

Jiwayil̥o foof bukanabuku kata Sodom, li kata Gomool li kata sísuk saasu sakooj somuu, kunaake kúkaanikoomuu foof loon kumalakaabuku umbuku. Kunaanaak kúfulo bó muñaˈa, yok loon ánayine li uhinten afaalool ánayine. Kubaje katek li sambunasu sáhokoweliitumuu, min lako búhiisenum boot li alolaal foofolaal feh.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.