2 Fiyeel 2:18 - Jola-Kasa

¹⁸ Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

2 Fiyeel 2:18 ပူးပေါင်းရင်းမြစ်များ

Bakaanelabu 2:40

Fiyeel li alaañen alobiil kulim kameeŋe, boot kakaaniil kúyinen li boot kawankuleniil. Li aaniil: — Jífu’ li bukanabuku kata muñeˈe kajakutumuu, min Ateemit afakenuul.

Bakaanelabu 8:9

Muñeˈe li baj ánayine akee an kunaake koon Simoŋ alako no li ésukayi inyu. Simoŋ li anaak akaan jángafayinde min áji kata Samali li kusego. Li anaak aan akila an áamak.

Kata Lom 13:13

Uloŋaal buloŋ bacole loon loŋemuu tihunak. Jakum unaak utiñaal ujow uwuuhenaal, jakum unaak úkaliyenoolaal, jakum unaak uhintowaal li aletalet, jakum úkaanikoolaal, jakum unaak úmuyutenoolaal, jakum baj batahaay li ololaal.

Kata Efées 4:17

Wahawu unwe kama léemimuu li ilobuul, ban li ílaañumul tó li kajaw kata Amaaŋenawu: muñeˈe jakum jinaak jiloŋ loon bukanabuku kákaanumutumuu li Ateemit balewool kuloŋemuu. Uyinoolawu wooliil ubajut jáliŋ.

2 Kata Tesalonik 2:4

Fan áhi’ bukanabuku kúmanenum wahoowah feh wan kumanenemuu, li ahoy foof wahawu wan kujokumuu loon ateemit. Fan ajokoolo ahaŋ wahawu unwu feh, ban fan akaañen ajow abah li eluufayi yata Ateemit, min aan akila humumool ammuu Ateemit.

Saak 5:5

Buloŋabu booluul li etaamaye boonosoono buloŋ li májiihe li bata ésuumansuum, ban li jifooñenoolo min jiluuk boot li hunakahu hata jálaamulaju.

2 Fiyeel 1:4

Li wahawu unwu Ateemit ásenumolaamuu wahawu watiineniyaawu ban li uluuk ŋáa’, wan alobumuu kasenolaal, bájum li jiyili jífu’ li kásiibowaku kajakutumuu kammuu li adunaayi inye yakajenumuu, min jíjowum tó jiŋa’ bóonowabu bata Ateemit.

2 Fiyeel 2:14

Li kuŋa’ kúkiliil feh kuya li kanaalaabuku, ban kúmusut kukat kakaan kahoofoo. Fan kunaak kubuutoo bukanabuku kágootomuu. Uyinumawu wooliil feh li woono li huŋes hubaj. Katekaku kata Ateemit kunku li buko.

2 Fiyeel 2:2

Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.

2 Fiyeel 2:20

Li mal̥egenamu, bukanabuku kahaasumuu Yéesu Kilisita ammuu Amaaŋenawu li Afakenaawu oololaal, kukaakat bakaanelabu bajakutumuu bata adunaayi; bale kukatumuu bakaanelabu umbu bajakutumuu min bulaañen búgooteniil ban li buheekiil, buloŋabu booliil bata muñeˈe fan buhaŋ másengi bata naanaŋ.

2 Fiyeel 2:7

Li afaken Lot ammuu an acole, ban bakaanelabu basuuneniyaabu bata bukanabuku kata taŋayi yoola li búsengiwool ŋáa’.

2 Fiyeel 3:17

Bale bukuluul jammuu kutuyom kan iboolaat, muñeˈe jijame. Joote kama jíkaanum. Jakum jikat bukanabuku kaakutumuu esuuwum min kúguuhenuul, ban jakum jífu’ li huyitahu hooluul habajaahu sembe.

Eleetalayi yan Súd akiicumuu 1:13

Bakaanelabu booliil basuuneniyaabu bunokoonokoo li ñikon ñan kulambaj kata hal hatiñe kúbetenulo. Li kunokoo foof li siwuutasu sammuu li emitayi saliijoole bomuu muñaˈa. Ateemit lacookoole tan sommuu silako akat to li élimayi yáamakayi boot nanoonan.

Búhiisenumabu 13:11

Fúlum tó, li ijuk énuukuleŋ yakee yákoyileniye li éfulumul li etaamayi. Li ebaj usiin woono úl̥uba wanookoole li wata húgalalaan háyine hañiilowe, ban li enaak elob loon éjunfuu.