2 Fiyeel 1:5 - Jola-Kasa

⁵ Wahawu unwu újimuu, joote jikaan manooman min jiŋa’ ekaan majake jifamen li káyinenaku kooluul, li jiŋa’ kahaasaku kan jihaasumuu Ateemit jifamen to li ekaan majake,

2 Fiyeel 1:5 ပူးပေါင်းရင်းမြစ်များ

Hulimahu Hásuumaahu loon Lík akiic homuu 16:26

Ban fiimaa, babbaj buwokaay básenkiye báamiwolaal li tut, bájimuu bukan kufañumuu kubilumul ban áloli jommee boot ban bukuluul jommuu, let kuyili kujow. Mantee foof bukan kufañumuu kubilumul ban bukuluul jommuu boot ban áloli jommee, let kuyili kubil.»

Hulimahu Hásuumaahu loon Lík akiic homuu 24:21

Jíyinenenyinen kaanaku okila aateenumuu afaken kata Isilayeel. Bale famen to li wahawu unwu feh, síyaat hunak húhaajut nan wahawu unwu feh ubajumuu.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

1 Kata Koolent 14:20

Kutuyom, jakum jinokoo li bañiil li mayinelamu mooluul. Nokoomuu loon mata kakaan majakut, jilako bañiil, bale loon mata kayinoo, jilako kunahaan.

Kata Efées 5:17

Mó mújimuu, jakum jikaan bukan kábaamowe, bale joote jínaanum waa Amaaŋenawu afañe min jikaan.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

Kata Kolos 1:9

Wahawu unwu újimuu, áloli hunakahu nan jijamumuu li kulob mooluul, jikatut kal̥aw Ateemit boot li bukuluul. Alóli jil̥awe Ateemit min akaanuul jihaas jak húnongumahu hoola, naboo li bújallo li butuuko banooban ban Buyinumabu boola busenemuu.

Kata Kolos 2:3

Li Kilisita hubajahu feh hata bújallo li hata kahaasemiñ huyolimuu.

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.

Eébulo 12:15

Jijuke to jakum bil an li bukuluul áfu’ li kájiyaku kata Ateemit. Jijuke to jakum bil an li bukuluul anokoo loon anuunuken átaliye, al̥iilulo li bukuluul min asik huwoogahu hooluul.

Eébulo 6:11

Bale áloli jifañeene min anoowan li bukuluul abaj káyikil̥owaku kanolaku boot yok li húbanumahu, bájum wahawu wan jíkangummuu lí wó li ubaj boot to.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.

2 Fiyeel 1:11

Li mal̥egenamu, muñowu Ateemit ammuu li akaanuul min jiyili jinoken li Jáyiiyaju jaano tomuu boot nanoonan, jata Amaaŋenawu li Afakenaawu oololaal Yéesu Kilisita.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.