2 Fiyeel 1:17 - Jola-Kasa

¹⁷ Nan Ateemit Atuubaawu ábinkenoomuu ban li asenool máyiineniyamu, hulim li hubilum li máyiineniyamu maleñaamu mata Ateemit min hoonool: «Laale Añoolom an iboolaatumuu, ésuumansuumayi yúmbaam feh li akila yoom.»

2 Fiyeel 1:17 ပူးပေါင်းရင်းမြစ်များ

Máciya 12:18

«Alokaawu úmbaam an il̥usumuu, akila ammuu umme, an iboolaatumuu, ásuumommuu ŋáa’. Fan íboñul Buyinumabu búmbaam bubil bulako li akila, min awaale macolaamu mata Ateemit bukanabuku feh kata etaamayi.

Máciya 17:3

Li kulako to, Móyiis buko li Elí li kúfululiil, min kulako elob li Yéesu.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Máciya 3:17

Esúkayi li ejam hulim háfulumulo li emitayi haane: «Laalu añoolom an íboolimuu ŋáa’. Buyinumom feh li akila likaan bo.»

Maak 1:11

Muñeˈe hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Maak 9:7

Muñeˈe kafaal li kuyaan kúhimeniil li máyiinowamu mata ko. Hulim li húfulumul li kafaalaku haane: — Laalu Añoolom an iboolaatumuu. Jijantenool!

Hulimahu Hásuumaahu loon Lík akiic homuu 10:22

Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Hulimahu Hásuumaahu loon Lík akiic homuu 3:22

Muñeˈe Buyinumabu Banabaabu li búwalowul li kambu kata éleebaan bubil bulako li akila. Hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Hulimahu Hásuumaahu loon Saŋ akiic homuu 10:15

loon Atuubaawu ahaasommuu ban ínje foof li ihaasool. Li isen buloŋom boot li kúgalalaanaku kúmbaam.

Hulimahu Hásuumaahu loon Saŋ akiic homuu 10:36

Injé, Atuubaawu al̥usom, ban li áboñulom li adunaayi. Waa wommuu lí úji, li joon ligeggel Ateemit mata min eenumuu: “Injé emmuu Añiilawu ata Ateemit”?

Hulimahu Hásuumaahu loon Saŋ akiic homuu 14:11

Jíyinen lí ínje, min ilobuulumuu kaanaku ínje ummu li Atuubaawu, ban Atuubaawu ummu lí ínje. Letumuu mo, kama li jíyinen mata wahawu wan ikaanumuu úji.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 17:21

Lil̥awe mantee buko foofiil feh li kulako an ano. Faafa, kujow kulako an ano li alola, loon foof awu ommuu lí ínje, ínjé li éemi li awu. Kujow kulako an ano bájum adunaayi li éyinen kaanaku awu úboñulom.

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Hulimahu Hásuumaahu loon Saŋ akiic homuu 3:35

Atuubaawu láboolibooli Añiilawu, ban li akat wahawu feh li kuŋenool.

Hulimahu Hásuumaahu loon Saŋ akiic homuu 5:20

Mata Atuubaawu lafanfañ Añiilawu ban li áhiisool wahawu feh wan akila humumool akaanemuu. Fan áhiisool foof bulok ban áami li akaan bahaŋe maluuk umbe, ban fan jisego.

Hulimahu Hásuumaahu loon Saŋ akiic homuu 5:26

Mata, loon Atuubaawu aakumuu buloŋabu li akila humumool, mo foof lakaanumuu Añiilawu min áaki buloŋabu li akila humumool.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Hulimahu Hásuumaahu loon Saŋ akiic homuu 6:37

Anoowan an Atuubaawu asenom fan abil búmba, ban an abilumuu búmba manooman let ibetenool tíyaŋ,

Hulimahu Hásuumaahu loon Saŋ akiic homuu 6:39

Húnongumahu hata Anawu áboñulommuu ho hommuu jakum an li bukanabuku kan asenommuu ájim, bale min iyitenumuliil li eketayi li hunakahu húbanumahu.

Kata Lom 15:6

mantee li jísalum Ateemit, Atuubaawu ata Amaaŋenawu oololaal Yéesu Kilisita, li buyinum bano li hulim hano.

2 Kata Koolent 1:3

Kasal kujow kulako li Ateemit ammuu Atuubaawu ata Amaaŋenawu, Atuubaawu áyiyenemuu bukan. Okila ammuu Ateemit átintimbenemuu bukan li wahoowah feh.

2 Kata Koolent 11:31

Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

2 Saŋ 1:3

Ateemit Atuubaawu li Yéesu Kilisita, ammuu Añiilawu ata Atuubaawu, kujow kusenolaal káji, kabonket li kásuumaay, min uyili uloŋaal li mal̥egenamu li húbooliyahu.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.