2 Fiyeel 1:13 - Jola-Kasa

¹³ Bale liyinooyinoo li een coccol min iwayil̥enuul, muñeˈe min emmee li buloŋ, min jijuke to.

2 Fiyeel 1:13 ပူးပေါင်းရင်းမြစ်များ

2 Kata Koolent 5:8

Lubajaale kama kawankulen káamak, ban luhaŋeenaale mafañ min úfulaal li eniilayi inye, min ujowaal bóot boot bata Amaaŋenawu.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Fílib 3:10

Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

2 Tímote 1:6

Mó mújimuu, boot min iwayil̥eni eeni: jakum ukat kájiyaku kan Ateemit asenimuu nan iŋalumuu kuŋenom iwalen li awu min il̥aw, min kuket.

Eébulo 13:3

Jinaak jiwayil̥o bukanabuku kammuu li hukul̥, loon eenimuu bukuluul humumuul foof, kukul̥ooluukul̥oo li buko. Jiwayil̥o bukanabuku kan kommuu li kálaamen, loon eenimuu bukuluul foof jumbuku li sílaam li siniiluul loon buko.

2 Fiyeel 1:12

Mó mújimuu, fan inaak iwayil̥enuul nanoonan wahawu unwu, maayeet min kite eenimuu jihaas wo, ban li joono li mal̥egenamu man jiyabumuu.

2 Fiyeel 1:14

Lihaase een muñeˈe lí ífu’ li eniilayi inye yammuu li ebil eket, loon Amaaŋenawu oololaal Yéesu Kilisita áhiisom momuu.

2 Fiyeel 3:1

Kutuyom kan iboolaat, eleetalayi inye yo yommuu eleetal él̥ubut yan ikiiculuul. Li sileetalasu unsu síl̥uba, liwayil̥enuuwayil̥en ló wah wáami li úliwuul uyinum, min jibaj uyinoo wacole.