2 Fiyeel 1:12 - Jola-Kasa

¹² Mó mújimuu, fan inaak iwayil̥enuul nanoonan wahawu unwu, maayeet min kite eenimuu jihaas wo, ban li joono li mal̥egenamu man jiyabumuu.

2 Fiyeel 1:12 ပူးပေါင်းရင်းမြစ်များ

Bakaanelabu 16:5

Sijanguwasu li sihaŋ malit li káyinenaku, ban bukanabuku káyinenumuu li kunaak kuhaŋ mameeŋ hunakoohunak.

Kata Fílib 3:1

Kutuyom, hulimom húbanum ho hommuu ésuumansuum elako li bukuluul humum hata hujamoolahu hooluul li Amaaŋenawu. Kaanutom wahoowah min ilaañen ilobuul wahawu wan ikiiceenuluumuu, ban mo haŋ majak boot li bukuluul.

Kata Kolos 1:5

Jibabbaj káyinen li húbooli mata min jiyaakaalumuu li wahawu wan Ateemit akatumuu li emitayi boot li bukuluul. Yaakaalayi inyu, nan hulim hata mal̥egenamu hammuu Hulimahu Hásuumaahu hubilumuu booluul kátinaalaku min jijam ho, no jibaj yomuu.

Kata Kolos 2:7

Jiya kuhaa’ kalite li akila, ban li jánkum li akila, min jihaŋ malit li káyinenaku kooluul loon kuliikenuulumuu. Jinaak jisal Ateemit ŋáa’.

1 Tímote 4:6

Ukittenumuu wahawu unwu feh kutuyi, fan ulako aloka ajake ata Yéesu Kilisita. Fan úhiis kaanaku li kulimaku kasenemuu káyinen li baliikenelabu bata mal̥egenamu ban unabumuu li bo jak, lúkuumenumi.

2 Tímote 1:6

Mó mújimuu, boot min iwayil̥eni eeni: jakum ukat kájiyaku kan Ateemit asenimuu nan iŋalumuu kuŋenom iwalen li awu min il̥aw, min kuket.

Eébulo 10:32

Jiwayil̥o wahawu wabaj nomuu li kunakaku kútinaalaku nan jibilumuu li mawuŋaamu mata Ateemit. Jiyansaan jibaj no sílaam sáamak li bútaj básengiye ŋáa’.

Eébulo 13:9

Jakum jikat baliikene banooban babilumulo tíyaŋ, min bújimenuul. Jaajak min kájiyaku kata Ateemit kuliten buyinumabu booluul, bale let uŋoon wata mata mutiñaay, wabajutumuu jáliŋ yanooyan boot li bukanabuku kanabemuu li wo.

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

1 Fiyeel 5:12

Kulimaku unke kan ikiiculuumee itogen, Silaas alambenom ikiic ko. Lijokoojok loon atuyaay al̥egene li káyinenaku. Likiiculuukiic boot min iwankulenuul ban li íhiisuul kaanaku, bukuluul li kájiyaku kata mal̥egen kata Ateemit jijokumuu lit.

2 Fiyeel 1:13

Bale liyinooyinoo li een coccol min iwayil̥enuul, muñeˈe min emmee li buloŋ, min jijuke to.

2 Fiyeel 1:15

Fan ikaan manooman min ikatuul wah wammuu unaak uwayil̥enuul nanoonan kulimaku unku, maayeet ínje bakete iban.

2 Fiyeel 3:1

Kutuyom kan iboolaat, eleetalayi inye yo yommuu eleetal él̥ubut yan ikiiculuul. Li sileetalasu unsu síl̥uba, liwayil̥enuuwayil̥en ló wah wáami li úliwuul uyinum, min jibaj uyinoo wacole.

2 Fiyeel 3:17

Bale bukuluul jammuu kutuyom kan iboolaat, muñeˈe jijame. Joote kama jíkaanum. Jakum jikat bukanabuku kaakutumuu esuuwum min kúguuhenuul, ban jakum jífu’ li huyitahu hooluul habajaahu sembe.

1 Saŋ 2:21

Min ikiiculuumuu inti eeniseen jihaasut mal̥egenamu, bale jihaas mo. Ban jihaase foof joon émalimiñ eyilaat ebilumul li mal̥egen.

2 Saŋ 1:2

Mata mal̥egenamu mummu li alolaal, ban fan mulako li alolaal boot nanoonan.

Eleetalayi yan Súd akiicumuu 1:17

Bale bukuluul jammuu kufaalom kan iboolaat, jiwayil̥o kulimaku kan kufootalaku, kulob nomuu kúkibben.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.

Eleetalayi yan Súd akiicumuu 1:5

Wahawu wan emmuu li ilobuul jihaas wo feh jak, bale boot min iwayil̥enuul buu Amaaŋenawu abile afakenumuu kata Isilayeel li humiikeeleto li etaamayi yata Ejíf, ban nan fú’ tómuu li aniilen bukanabuku feh káyinenutumuu li akila.