1 Saŋ 5:10 - Jola-Kasa

¹⁰ An áyinenumuu li Añiilawu ata Ateemit, anawu ummu láyinenyinen li hulimahu unhu. An áyinenutumuu li Ateemit, anawu ummu lajoojok Ateemit ámalamiñ, mata áyinenut li kulimaku kan Ateemit alobumuu mata Añoolool.

1 Saŋ 5:10 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:18

An áyinenumuu li Añiilawu let atiibi. Bale an áyinenutumuu layaane atiibi aban, mata áyinenut li Añiilawu anolawu sih ata Ateemit.

Hulimahu Hásuumaahu loon Saŋ akiic homuu 3:33

Li mal̥egenamu, an áyinenumuu li kulimaku koola, láhihhiis kaanaku Ateemit lakankaan Ateemit alobe mal̥egen.

Hulimahu Hásuumaahu loon Saŋ akiic homuu 5:38

Kulimaku koola kulet li uyinumuul, mata jíyinenut li anawu an áboñulumuu.

Bakaanelabu 8:37

Fílib li aanool: — Uyínenumuu li buyinumi feh, luyilo úbatiiseyi. Anáyinaawu li aanool: — Líyinene een Yéesu Kilisita ammuu Añiilawu ata Ateemit.]

Kata Lom 8:16

Buyinumabu bata Ateemit humum bo, bulollob buyinumabu boololaal kaanaku bañiil bata Ateemit loomaal.

Kata Galasi 4:1

Wahawu wan ifañumuu min ilob wo wommuu unwe: an áatimuu atowo atuubawool ban li aloŋ añiil, anawu ummu ábutoolut li wahoowah li amiikeel, maayeet min kite eenimuu okila áami li akil wahawu feh.

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Kolos 3:3

Li mal̥egenamu, bukuluul jikeeket ban buloŋabu booluul buyoliyo li Kilisita ammuu li Ateemit.

Eébulo 3:12

Kutuyom, jijuke to jakum bil an li bukuluul abaj buyinum baŋooto, báyinenut, baate bukaanool min abet búsol Ateemit aloŋumuu.

2 Fiyeel 1:19

Ban foof, áloli jihaŋ mit majok lit hulimahu han kufulofetaku kulobumuu. Fan jak ŋáa’ bukuluul bajukele to jak li ho. Hunokoonokoo loon ehiitum yahiitene dán líme, boot yok nan banakabu bommuu li búkatenul, min ewuutayi yata li bújom ewuŋen uyinumawu wooluul.

1 Saŋ 1:10

Li bil oonaal ubajutaal kahoofoo, Ateemit lujokaale ámalamiñ, ban hulimahu hoola hulet li ololaal.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.

Búhiisenumabu 12:17

Muñeˈe éjunfuulayi li el̥eet anaalaawu bil gay, li ejow etiik bubukoolumabu boola basaŋomuu. Bubukoolumabu umbu bo bommuu bukanabuku kátuulumuu siluwaasu sata Ateemit, ban li bunab li kulimaku kan Yéesu alobumuu.

Búhiisenumabu 2:17

«An áakimuu sijan, li ajanten wahawu wan Buyinumabu bulobumuu Sijanguwasu. «An ammuu aheek, fan isenool li maanayi yayolimuu. Fan isenool foof huyitik hahiite. Li huyitikahu unhu kajaw kuwunkul kukiici li ho, kan anoowan ahaasut ábute li anawu abaj homuu.»

Búhiisenumabu 2:28

Ban fan isenool foof ewuutayi yawuŋenemuu li bújom yan koonemuu elaben.