1 Kata Tesalonik 5:5 - Jola-Kasa

⁵ Li mal̥egenamu, bukuluul foofuul feh bañiil bata mawuŋe joom, bañiil bata tihunak. Uletaal bukan káami li ehuka, mantee foof li élim.

1 Kata Tesalonik 5:5 ပူးပေါင်းရင်းမြစ်များ

Hulimahu Hásuumaahu loon Lík akiic homuu 16:8

Muñeˈe anahaanawu li asal alokaawu ummu ajakutumuu, mata min akaanumuu majakut li butuuko ló. Mata bukanabuku kata adunaayi inye kuhaŋe matuuko li wahiil, bukanabuku kaanomuu li mawuŋaamu.

Hulimahu Hásuumaahu loon Saŋ akiic homuu 12:36

Jíyinen li anawu ammuu mawuŋaamu muñeˈe nan jiloŋumuu li jibaj mo, mantee li jilako bukan kata mawuŋe. Nan Yéesu alobumuu loon muñaˈa aban, li ajow ayolo lóyiyiil.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Kata Efées 5:8

Naanaŋ, bukuluul li élim jilakowe, bale muñeˈe bukuluul jumbuku li mawuŋaamu mata Amaaŋenawu. Jiloŋ loon bañiil báami li mawuŋe.

1 Kata Tesalonik 5:8

Bale alolaal bañiil bata etihunaka loomaal, ban ootut uwuuhenaal li wahoowah. Lootaale uŋalaal káyinenaku li húbooliyahu kulako ebangalayi yoololaal yaŋali kaan kájufo. Kákangumaku kata fan ufakaal ko kommuu li kulako káhandolaal kata mañ.

1 Saŋ 2:8

Bale maayeet mo, eluwa ewunkul likiiculuul, ban mal̥egenamu mata yo mujukijuk li Kilisita li bukuluul foof. Mata élimayi inyu li ejow, ban mawuŋaamu mata mal̥egen muyaane mútoŋ muwuŋen.