1 Kata Tesalonik 5:4 - Jola-Kasa

⁴ Kutuyom, bale bukuluul jilet li élim mata min bil hunakahu unhu hugoobuul loon ákuu.

1 Kata Tesalonik 5:4 ပူးပေါင်းရင်းမြစ်များ

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Hulimahu Hásuumaahu loon Lík akiic homuu 21:34

— Jíkaanum! Jakum jiŋa’ buyinumuul feh jikaan li kagaan li ehob, mantee foof li buyinaabu bata buloŋabu umbe. Jikaan momuu, hunakahu nan Añool-An ammuu li álaañul fan huyaan hugoobuul.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Kata Kolos 1:13

Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.

1 Kata Tesalonik 5:2

Bukuluul humumuul jihaase jak kaanaku hunakahu hata Amaaŋenawu fan hubil an bahaasut loon ákuu abilemuu li huk.

2 Fiyeel 3:10

Hunakahu hata Amaaŋenawu fan hubil loon ákuu. Li hunakahu unhu, emitayi fan éjim li kawel ló kákoyileniye. Wahawu feh wammuu li emitayi fan uleem li sambun. Etaamayi fan ébujo boot li wahawu feh wáami lómuu.

1 Saŋ 2:8

Bale maayeet mo, eluwa ewunkul likiiculuul, ban mal̥egenamu mata yo mujukijuk li Kilisita li bukuluul foof. Mata élimayi inyu li ejow, ban mawuŋaamu mata mal̥egen muyaane mútoŋ muwuŋen.

Búhiisenumabu 16:15

Amaaŋenawu li aan: «Jijanten, fan ibil loon ákuu! Awólo anawu aatutumuu ámooli min afooy wañawu woola, jakum bil ajow bákolotoo min abaj ñisuu hákil bukanabuku feh.»

Búhiisenumabu 3:3

Loote kama uwayil̥o kulimaku kan uyabumuu li kan ujamumuu. Ukaan loon kulimaku unku kulobumuu, min útiiwo uŋa’ buloŋ buwunkul. Ulíwowutumuu, fan ibil igoobi loon ákuu, ban let uhaas nan emmuu li ibil.