1 Kata Tesalonik 5:27 - Jola-Kasa

²⁷ Liyaakuul, li kajawaku kata Amaaŋenawu: jijanga eleetalayi inye kutuyolaal feh.

1 Kata Tesalonik 5:27 ပူးပေါင်းရင်းမြစ်များ

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Maak 5:7

ban li alob butiya aan: — Yéesu, Añiil ata Ateemit ata Haatiya, waa lufañe lí ínje? Liyaaki li kajawaku kata Ateemit, jakum úlaatenom.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 19:13

Li baj no Kusuwif kukee kanaake kuñaahoo li sísukasu min kunaak kukesoo uyinumawu wajakutumuu úfu’ li kásomutumuu. Muñeˈe li kufañ kuŋa’ kajawaku kata Amaaŋenawu Yéesu min kukaan wo úfu’ li bukanabuku. Li kunaak koon uyinumawu wajakutaawu: — Leenuul jífu’ li kajaw kata akila Yéesu an Fool awaaleyemuu!

Kata Kolos 4:16

Nan bukuluul jommuu li jijanga eleetalayi inye booluul jiban, li jikaan manooman min ejangayi foof li ejanguwayi yata kata Lawodise. Bukuluul foof li jijanga eleetalayi yammuu li ebilumul Lawodise.

1 Kata Tesalonik 2:11

Jihaase buu jiloŋumuu li anoowan li bukuluul loon atuuba aloŋemuu li kuñoolool.

2 Kata Tesalonik 3:14

Nokoomuu loon an li bukuluul akaanut loon jilobuulumuu li eleetalayi inye, jílangumaasowool ban jakum an li bukuluul akoojool, mantee li asuu.

1 Tímote 1:18

Añoolom Tímote, kulimaku unke lifañumuu min iseni. Kunaboonaboo li kan kufulofetaku kulob nomuu kuya li awu. Ujówum li kulimaku unku min utaj bútajabu bajakaabu,

1 Tímote 1:3

Lifañe min ulako li ésukayi yata Efées loon ilobimuu nan ilakomuu li ijow boot Maseduwaan. Baj to bukan kaliikene ésukayi kulim kanaboolut li káyinenaku koololaal. Oon bukanabuku umbuku kukat.

1 Tímote 5:21

Fan ilobi hákil Ateemit li Yéesu Kilisita, li foof hákil kumalakaaku kal̥usimuu eeni: ukaan loon kulimaku unku kulobumuu ban jakum ulaañ bata anoowan, jakum ujuke li buul.

1 Tímote 5:7

Wahawu unwe lóotimuu ulobiil jakum bil an awatateniil li wahoowah.

1 Tímote 6:13

Boot ilobi hákil Ateemit asenemuu buloŋ wahoowah feh, li hákil Yéesu Kilisita alobumuu kulim kásuume kata mal̥egen hákil Fons Filat, eeni:

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.