1 Kata Tesalonik 5:15 - Jola-Kasa

¹⁵ Jíkaanum, jakum bil an akaanuul majakut li jiluken, bale jiŋes nanoonan min jinaak jikaanoo majake, ban li jikaan foof majake bukanabuku feh.

1 Kata Tesalonik 5:15 ပူးပေါင်းရင်းမြစ်များ

Máciya 5:39

Bale ínje boot min eenuul, jakum an akaani majakut, li uluken. Bale an atekimuu eheejen li kalaab káli, ukatool foof min ateki li kamay.

Hulimahu Hásuumaahu loon Lík akiic homuu 6:35

Bale bukuluul jíbooli kulatoolawuul. Jikaaniil majake. Jicaagen bukan, ban jakum jíkangum min kulaañenuul wahawu wan jicaageniilumuu. Jikaan momuu, fan jibil jibaj busuuhen báamak, ban fan jilako bañiil bata Ateemit ata Haatiya. Mata Ateemit lásunsuum li kahaasutumuu kalaañen kaŋen, li kál̥afutumuu.

Bakaanelabu 16:28

Bale Fool li alobool butiya aanool: — Jakum ukaanoolo majakut! Olóli fóofoli feh jumbuke taate!

Kata Lom 12:9

Jíbooliwoo li mal̥egen. Jitey majakut, ban kayinooluul feh li kulako kakaan majake.

Kata Lom 14:19

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

1 Kata Koolent 14:1

Jijand jiŋes húbooli. Jiŋa’ uyinumuul feh jikaan li újiyawu wata Buyinumabu Banabaabu, háŋum kájiyaku kata min Ateemit álobum li bukuluul.

1 Kata Koolent 16:10

Tímote abilumuu, li jikaan wahoowah jakum abaj kákoli kanookan booluul. Ummu li bulok boot li Amaaŋenawu loon ínje.

1 Kata Koolent 6:7

Min fanemuu baj tilibinaal li bukuluul humumuul, yo éhiisumuu kaanaku heekuuheek li kabane. Kama wáa újiye bukuluul jifañut min kukaanuul wah wacolut? Waa kama kuyilaat kúkuuwetuul li jikat bo?

Kata Galasi 6:10

Mó mújimuu, muñeˈe nan uyiliyaamee, ukaanaal majake boot li bukanabuku feh, háŋum bukanabuku kan ubajaalumuu káyinen kano li Yéesu Kilisita.

Kata Efées 5:15

Kama joote jíkaanum buu jiloŋemuu eeno. Jakum jiloŋ loon bukan kahaasut wahoowah, bale jiloŋ loon bukan kájallowe.

Kata Efées 5:33

Bale kulimaku unke lilobumuu foof boot li bukuluul: ánayine anoowan laate ábooli aseekool loon ábooliwoolomuu akila humumool, ban anaale anoowan laate foof átuul áyinool.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

1 Kata Tesalonik 5:21

Bale jilaso jak wahoowah feh, min jinab li wahawu wajakumuu,

1 Tímote 6:11

Bale awu, ammuu an ata Ateemit, utey wahawu unwu feh. Uŋes min ulako an acole, an átuke li Ateemit, an ata káyinen, an ata húbooli, an ayilo húmuñ li an ájoobiye buyinum.

2 Tímote 2:24

Ban aloka ata Amaaŋenawu aatut ámuy li an, bale laate ásuum li bukanabuku feh, ban li ayili aliikeniil hulimahu li ayili foof ámuñ kulimaku kajakutumuu.

Eleetalayi yan Fool akiicumuu Tit 3:2

Jakum kulob majakut kuya li an. Kootut kunaak kúmuyiten bukan, ban koote kukaan bukan kásuume. Koote kulako bukan kájoobiye uyinum nanoonan hákil bukanabuku feh.

Eébulo 12:14

Jiŋes min jibaj kásuumaay li bukanabuku feh, ban li jiloŋ buloŋ banabe. Jikaanut momuu, anoowan li bukuluul let ajuk Amaaŋenawu.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 2:17

Jiluuken bukanabuku feh. Jíbooli kutuyuul kan jibajumuu káyinen kano. Jíkoli Ateemit, ban li jiluuken áyiiyawu.

1 Fiyeel 3:9

Jakum an akaani majakut li uhin ukaanool majakut. Jakum an ageli li uhin ugelool, bale an agelimuu li úsooniyenool, mata wahawu unwu Ateemit ahooñuulumuu boot, mantee li jiyab kásooniyenaku.

3 Saŋ 1:11

Atuyom an iboolaat, jakum uliikoo li wah wajakut, bale uliikoo li wah wajake. An akaane majake, Ateemit akilool, bale an akaane majakut, ahaasut Ateemit.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 22:9

Amalakaawu li aanom: — A’aa’! Jakum ukaan mo! Injé aloka leem loon awu, loon kutuyi kammuu kufulofet, li loon foof bukanabuku feh kátukumuu jak kulimaku kata éliibalayi inyu. Ateemit bale lóotimuu umanen!