1 Kata Tesalonik 4:4 - Jola-Kasa

⁴ Anoowan li bukuluul laate ayili ajok eniilayi yoola jak min aloŋ buloŋ banabe ban li busali.

1 Kata Tesalonik 4:4 ပူးပေါင်းရင်းမြစ်များ

Bakaanelabu 9:15

Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

Kata Lom 1:24

Wahawu unwu újimuu Ateemit li akatiil bo li kákaanikoolaku kooliil, naboo li kásiibowaku kajakutumuu kata uyinumawu wooliil, min jíyiil li kunaak kukaan li bukoyiil wah wasuuneniye li siniilasu sooliil.

Kata Lom 12:1

Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Kata Lom 6:19

Fan ilob li bukuluul loon ál̥ahukowan alobemuu, mata búgootowabu booluul búji. Naanaŋ, jikaanoolokaanoolo humumuul feh emiikeel yata buloŋ basetut, li yata kákaanikoo. Li manolamu, muñeˈe joote jilako bukuluul humumuul emiikeel yata kakaan wah wacole min jiloŋ buloŋ banabe.

1 Kata Koolent 6:15

Kama jihaasut joon siniilasu sooluul bugeb bata eniilayi yata Kilisita soom? Waa, iŋa’ leete fíle bugeb bata eniilayi yata Kilisita ijow ikaan eniil yata ecaga? Maayeet!

1 Kata Koolent 7:2

Bale emmuu bucagayetabu bululluuk ŋáa’, haŋe majak min ánayine anoowan abaj aseekool, anaale anoowan li abaj ánayinewool.

1 Kata Koolent 7:9

Bale jiyilaatumuu jijokoo, káyinaabuku li kuyab, kaalaabuku li kuyabo. Haŋe majak jiyab mantee jiyabo, jakum bil jísulo li kásiibo.

2 Kata Koolent 4:7

Bale áloli jaakumuu hubajahu unhu, jinokoonokoo li siteefaay, min híis kaanaku sembaasu unsu saluukumuu sijow siwuuh sibilumut li áloli, bale li Ateemit.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.