1 Kata Tesalonik 4:13 - Jola-Kasa

¹³ Kutuyom, jifañut min bukuluul jilako to loon muñaˈa bahaasut mata bukanabuku kaketemuu, jakum bil jíyiyenoo loon bukan kaabuku kan emmuu buko kubajut húkangum.

1 Kata Tesalonik 4:13 ပူးပေါင်းရင်းမြစ်များ

Máciya 27:52

Kuyaakaku li kúbabulo min kameeŋe li bukanabuku káyinenumuu li Ateemit ban li kuket, kuyitowul.

Hulimahu Hásuumaahu loon Saŋ akiic homuu 11:24

Maaluta li aanool: — Lihaase een fan álaañul li buloŋ li hunakahu húsolaahu, nan kaketumuu kommuu kuyitowumul li eketayi.

Bakaanelabu 13:36

«Bale, Dayit akila lakankaan no li taŋayi yoola, wahawu wan Ateemit afañumuu min ukaan aban, li aket. Li ahoki tan situubawool sihaan sihokimuu, min ehuluŋayi yoola ekajen li huyaakahu.

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

Bakaanelabu 8:2

Kánayine káyinene li Ateemit li kubil kuŋa’ Ecen kujow kuhok, ban li kul̥okool ŋáa’.

Kata Lom 1:13

Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila.

1 Kata Koolent 10:1

Kutuyom, lifañe min jiwayil̥o kaanaku li taŋayi yata Móyiis, situubawolaal sihaan sinaanaak sijow sinab li kafaal kanaake kufooyiilumuu, ban buko foofiil feh li kújowum li husamuwahu Hájunkaahu kúfu’ baaba.

1 Kata Koolent 12:1

Muñeˈe ulobaal mata újiyawu wata Buyinumabu Banabaabu: Kutuyom, lifañe min jihaas mata mal̥egenamu mata újiyawu unwu.

1 Kata Koolent 15:6

Fúlum tó, li áfu’ kúgoomaku koola kahaŋe síteemeel hutok, li mano. Kukee li buko kukete, bale kameeŋe li buko kumbuku li buloŋ.

2 Kata Koolent 1:8

Kútuyoli, jifañe min jikaanuul min jihaas mata sílaamasu san áloli jibajumuu li etaamayi yata Aasi. Sílaamasu unsu silulluuk sijow síhaŋoli sembe, gay li jíyeko min joon let jiloŋ.

Kata Efées 2:12

Jiwayil̥o joon no unnu, Kilisita alakoweenut li bukuluul. Jilakoweenut no li bukanabuku kata Isilayeel, ban jikaanuti ló li wahawu wan Ateemit alobumuu kasen bukanabuku koola, kan ajokumuu húfaalum. Li jiloŋ li adunaayi inye babajut húkangum hanoohan, ban jihaasut Ateemit.

Kata Efées 2:3

Naanaŋ, ololaal foofolaal feh lunaanaak ukaanaal foof loon bukanabuku umbuku. Lunaanaak uloŋaal buloŋ bajakut, naboo li kásiibowaku kata bóonowabu boololaal. Li unaak foof ukaanaal wahawu wajakutumuu wan eniilayi yoololaal efañumuu, ban li ubilumul li uyinoolawu woololaal. Bóonowabu boololaal umbu bajakutumuu bújimuu Ateemit laateen awuñetolaal loon lawuñetumuu bukan kaabuku feh.

1 Kata Tesalonik 4:14

Li mal̥egen, emmuu lúyinenaayinen kaanaku Yéesu lakeeket ban li ayitowumul li eketayi, lootaale foof úyinenaal kaanaku bukanabuku káyinenumuu li akila ban li kuket, Ateemit fan ayitenumuliil li eketayi li Yéesu ló.

1 Kata Tesalonik 4:15

Li mal̥egenamu, hulimahu unhe Amaaŋenawu alobumuu ban ho foof áloli jommuu li jilobuul: bukan li ololaal kammuu li kulako li buloŋ nan Amaaŋenawu ammuu li abil, let kuyab kayooŋ bukanabuku kaketumuu kuban.

1 Kata Tesalonik 5:10

Mata Kilisita lakeeket boot li ololaal, bájum, ulakowaal li buloŋ mantee foof li uketaal, li úloŋumaal li akila nan ammuu li abil.

1 Kata Tesalonik 5:6

Mó mújimuu, ootut úmooliyaal loon bukan kaabuku, bale lootaale ukaanaal to sijijolaal, ban jakum uwuuhenaal wahoowah li buloŋolaal.

2 Fiyeel 3:4

ban li kunaak koon: «Inti laanuusaan boot min abil? Kama okila ummay? Situubawolaal sihaan sikete siban, ban kábilum nan adunaayi ejuul̥imuu boot síyaat wahoowah úbutoolut.»

2 Fiyeel 3:8

Kutuyom kan iboolaat, baje wah wano wan jootut jimojen: li Amaaŋenawu, hunak hano hunokoonokoo loon simit soon énjunne, ban simit soono énjunne li sinokoo loon hunak hano.