1 Kata Tesalonik 4:1 - Jola-Kasa

¹ Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

1 Kata Tesalonik 4:1 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.

Bakaanelabu 20:27

Mata líhiisuuhiis wahawu feh wan Ateemit afañumuu kakaan, ban iyoloolutuul wahoowah.

Kata Lom 8:8

Mó mújimuu, bukanabuku kanabemuu li bóonowabu booliil, kuyilaat kúsuum Ateemit.

1 Kata Koolent 11:23

Li mal̥egenamu, wahawu unwe Amaaŋenawu aliikenommuu, ban wo foof lemmuu li iliikenuul: Amaaŋenawu Yéesu, li ehukaayi nan kubetoolumuu li kuŋen kata bukan, laŋaŋŋa’ húmbuulu,

1 Kata Koolent 15:1

Kutuyom, lifañe min iwayil̥enuul Hulimahu Hásuumaahu han iwaalewuulumuu. Jiyayyab ho ban foof li jítuk ho lit.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

2 Kata Koolent 5:9

Wahawu unwu újimuu foof, oonowaal li eniilayi inye mantee foof li úfulaal li yo, wahawu wan ufañaalumuu bale, wo wommuu min ukaanaalool súum.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Galasi 6:1

Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 4:20

Bale bukuluul inti muñowu jíhaasummuu Kilisita.

Kata Efées 5:17

Mó mújimuu, jakum jikaan bukan kábaamowe, bale joote jínaanum waa Amaaŋenawu afañe min jikaan.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

Kata Fílib 3:14

Injé ummu min ihankenemuu min itey boot tan iteyemuu boot, mantee li iyab bacaamabu ban Ateemit ahooñolaamuu boot uyabaal haatiya, humum hata hujokoolahu hoololaal li Yéesu Kilisita.

Kata Kolos 1:10

Alóli jil̥awel̥aw loon muñaˈa mantee bukuluul li jiloŋ loon Amaaŋenawu afañumuu, ban li jinaak jikaan nanoonan wahawu wásuumoolumuu. Bakaane banooban bajake bujow bujuki li buloŋabu booluul, ban li jinaak jihaŋ mahaas Ateemit jiyinno bo.

Kata Kolos 2:6

Emmuu jiyayyab Yéesu Kilisita loon Amaaŋenawu ooluul, kama jikatool min acolen buloŋabu booluul.

1 Kata Tesalonik 3:12

Amaaŋenawu akaan min húbooliyahu han jíbooliwoomuu li han jíboolimuu bukanabuku feh huhaŋ maluuk huyinno bo, loon áloli foof jíbooliwuulumuu.

1 Kata Tesalonik 4:2

Li mal̥egenamu, bukuluul humumuul jihaase kulimaku kan jisenuuluumuu li kajawaku kata Amaaŋenawu Yéesu.

1 Kata Tesalonik 5:12

Kutuyom, jil̥awuul min jiluuken bukanabuku kammuu li bulok súf li bukuluul, buko kan Amaaŋenawu akaanumuu hákiluul boot min kookenuul min foof kuliikenuul.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

2 Kata Tesalonik 2:1

Muñeˈe mata élaañulayi yata Amaaŋenawu li mata huwoogahu hoololaal li akila, kutuyom, wah wano jil̥awuul:

2 Kata Tesalonik 3:1

Kutuyom, muñeˈe jil̥aw boot li áloli mantee Hulimahu hata Amaaŋenawu li hunaak huhaŋ majamo ŋáa’ ban li huluukeni tanootan loon huluukenimuu foof booluul.

2 Kata Tesalonik 3:13

Kutuyom, bukuluul jakum jikat kakaan majake.

1 Tímote 5:21

Fan ilobi hákil Ateemit li Yéesu Kilisita, li foof hákil kumalakaaku kal̥usimuu eeni: ukaan loon kulimaku unku kulobumuu ban jakum ulaañ bata anoowan, jakum ujuke li buul.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.

Eébulo 13:16

Jakum jimojen kakaan majake, li kalambenoo, mata kasila loon unku kúsuumumuu Ateemit.

Eébulo 13:22

Kutuyom, ínje ummu li kal̥awuul min jibeben beb min jijanten kulimaku unke kammuu kata kawankulen. Ban fimaa kulim katoge likiiculuul.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.