1 Kata Tesalonik 3:6 - Jola-Kasa

⁶ Bale muñeˈe, Tímote álaañumulomuu booluul, lálobolilob kulim kásuume mata káyinenaku kooluul li húbooliyahu hooluul. Li amit áanoli kama jiloŋe li jíwayil̥owoli jak, ban jifañe min jíjukoli, loon óloli foof jifañumuu min jijukuul.

1 Kata Tesalonik 3:6 ပူးပေါင်းရင်းမြစ်များ

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Bakaanelabu 18:1

Fúlum tó, Fool li ájowum Ateen alo Koolent.

Bakaanelabu 18:5

Nan Silaas.

1 Kata Koolent 11:2

Injé ummu li kasaluul min jiwayil̥owewommuu li wahoowah feh, li min jinabemuu li kulimaku kúmbaam loon ilobuulumuu.

1 Kata Koolent 13:13

Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Fílib 1:8

Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.

Kata Kolos 1:4

Jisalesal Ateemit mata jijanjam mata káyinenaku kooluul li Yéesu Kilisita, li mata húbooliyahu han jíboolimuu bukanabuku feh kata Ateemit.

Kata Kolos 4:18

Injé humumom Fool ítuke li kaŋenom min ikiiculuul kulimaku unke min isaafuluul. Jiwayil̥o kaanaku li hukul̥ leem. Kájiyaku kata Ateemit kujow kulako li bukuluul.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 2:17

Kutuyom, li óloli min ukatoolaalumuu fan jatit, hinhin lako kakatoo kata min újukooleliitaamuu, bale uyinumawu woololaal ukatoolut. Muñeˈe síiboli ŋáa’ min jilaañen jijukuul, gay li jóomi li kakaan manooman mantee li jilaañen jijukuul.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Kata Tesalonik 3:7

Kutuyom, mó mújimuu maayeet min áloli jibajumuu buyinaabu umbu li sílaamasu unsu feh, káyinenaku kooluul kújiwolimuu li jibaj kawankulen.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

2 Tímote 1:3

Nanoonan nan ilakowe kal̥aw etihunaka iban ehuka, fan iwayil̥oyi ban li isal Ateemit an ilokemuu boot li akila li buyinum basete, loon situubawom sihaan sinaake sikaanumuu.

Filemoŋ 1:5

Mata lijame bukanabuku li kulob mata húbooliyahu han úboolimuu bukanabuku feh kammuu kata Ateemit, li káyinenaku kan ubajumuu li Amaaŋenawu Yéesu.

Eébulo 13:3

Jinaak jiwayil̥o bukanabuku kammuu li hukul̥, loon eenimuu bukuluul humumuul foof, kukul̥ooluukul̥oo li buko. Jiwayil̥o bukanabuku kan kommuu li kálaamen, loon eenimuu bukuluul foof jumbuku li sílaam li siniiluul loon buko.

Eébulo 13:7

Jiwayil̥o kunahaanaku kooluul kata no, kalobuulumuu hulimahu hata Ateemit. Jiwayil̥o buu kuloŋumuu eeno li buu kuketumuu eeno, min jinab li káyinenaku kooliil.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.