1 Kata Tesalonik 3:2 - Jola-Kasa

² ban li jíboñuluul átuyolaal Tímote ammuu li bulok li áloli boot li Ateemit, li kawaaleyaku kata Hulimahu Hásuumaahu hata Kilisita. Jiboñulooboñ boot min alitenuul ban li awankulenuul min jijooŋoo to li káyinenaku kan jibajumuu li Yéesu,

1 Kata Tesalonik 3:2 ပူးပေါင်းရင်းမြစ်များ

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Bakaanelabu 16:5

Sijanguwasu li sihaŋ malit li káyinenaku, ban bukanabuku káyinenumuu li kunaak kuhaŋ mameeŋ hunakoohunak.

Bakaanelabu 18:5

Nan Silaas.

Kata Lom 16:21

Tímote ammuu afaalom aloka lasaafuluul, buko li Lísiyis, li Jaasoŋ buko li Sosifateel, kammuu bukanom.

1 Kata Koolent 3:10

Liloolok loon ateefa ata mal̥egen, naboo li kájiyaku kan Ateemit asenommuu, ban li iteef huteefahu huleeteemaahu, min akee áami li álakkenum li ho. Bale anoowan laate ajuke to min alakkenemuu eeno.

1 Kata Koolent 4:17

Wahawu unwu újimuu li íboñuluul Tímote, ammuu añoolom an iboolaatumuu, ban li átuk lit li Amaaŋenawu. Fan awayil̥enuul buu ínje iloŋemuu li Yéesu Kilisita, loon foof liliikene bomuu tanootan li sijanguwasu feh.

2 Kata Koolent 1:1

Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.

2 Kata Koolent 1:19

Li mal̥egenamu, Yéesu Kilisita ammuu Añiilawu ata Ateemit, an Silaas lí ínje humumom jiwaalemuu booluul, alet «éehe’» li «a’aa’». Li okila «éehe’» bale ebaje.

2 Kata Koolent 2:12

Nan íliiŋumuu li ésukayi yata Tulowaas boot kawaale Hulimahu Hásuumaahu hata Kilisita, li ijuk kaanaku Amaaŋenawu lábabuubabul bútin boot lí ínje,

2 Kata Koolent 2:13

bale buyinumom bubahut mata ijukut atuyom Tit. Muñeˈe li ikat to kata Tulowaas min ijow boot li etaamayi yata Maseduwaan.

2 Kata Koolent 8:23

Tit akila anaboolawom laam, ban áloli fóofoli jóomi li bulokabu boot li bukuluul. Kutuyolaal kaabuku kánabulumuu li Tit, buko sijanguwasu síboñuliil, min kulok boot li kasalaku kata Kilisita.

Kata Fílib 1:25

Mó mújimuu, hiitonhiit jak kaanaku fan ilako li buloŋabu umbe, min ilako li bukuluul foofuul feh boot mata bánkabu booluul, min jibaj ésuumahukow li káyinenaku kooluul,

Kata Kolos 1:1

Injé Fool ammuu afootal ata Yéesu Kilisita li húnongumahu hata Ateemit, li atuyolaal Tímote, áloli jikiiculo eleetalayi inye,

Kata Kolos 1:7

Efafulaas, ammuu áfaaloli aloka an jiboolaat, akila aliikenuulumuu wahawu unwu feh. Laanosaano li bulok boot li bukuluul loon aloka ata mal̥egen ata Kilisita.

Kata Kolos 4:12

Efafulaas ammuu foof an ooluul, lasaafuluul. Lakankaan aloka ata Yéesu Kilisita, ban akatut kal̥aw súf boot li bukuluul, bájum li jítuk lit ban li jank jijow jikiben li káyinenaku kooluul, min jinaak jikaan li mal̥egen loon Ateemit afañumuu.

Kata Kolos 4:9

Ticik fan kúnabooluul buko Onéesim ammuu an ata booluul, ban li áami atuyolaal ata mal̥egen an uboolaataal, átuke lit li káyinenaku. Kúliiŋulumuu, fan kuhebuul wahawu feh wabajumuu baabe.

1 Kata Tesalonik 3:13

Ateemit ajow aliten uyinumawu wooluul mantee li jilako bukan kanabe, li bukan kan Ateemit ammuu Atuubawolaal ajukut majakut manooman li buko, nan Amaaŋenawu oololaal Yéesu ammuu li abil li bukanabuku koola feh kanabaaku.

1 Kata Tesalonik 3:5

Wahawu unwu újimuu emmuu iyilaat ikob fiyo, li íboñul Tímote abil agel̥l̥en mata káyinenaku kooluul. Líkoliyenkoli min Sayitaane abuntuul, min bulokabu bóololi feh bulako kakaal̥o.

2 Kata Tesalonik 2:17

kujow kuwankulenuul ŋáa’, ban li kusenuul sembe mantee wahoowah feh wan jikaane li wan jilobe, li ujak.