1 Kata Tesalonik 2:5 - Jola-Kasa

⁵ Jihaase joon áloli jilobulelut kulim kata kámammalenuul, ban jibajut kayinoo kata min jíbajum to wah: Ateemit lahaase.

1 Kata Tesalonik 2:5 ပူးပေါင်းရင်းမြစ်များ

Máciya 22:16

Li kúboñul kúgoomaku kooliil li bukanabuku kata hujojahu hata Elod kujow koon Yéesu: — Anahaan, jihaase joon awu an alobe mal̥egen. Ban luliikeneliiken bukanabuku li mal̥egen buu kommuu kunaak kuloŋ loon Ateemit afañumuu. Ukóliwut anoowan, mata újukeleliit li buul.

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Bakaanelabu 20:33

Imelowut ehaaliis yata an, mantee éwulus yata an, mantee wañ wata akee.

Kata Lom 1:9

Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

Kata Lom 9:1

Fan ilob mal̥egen li kajaw kata Kilisita, ilet li ímal. Buyinumabu búmbaam banabumuu li Buyinumabu Banabaabu, bulobonlob kaanaku wahawu wan ilobumuu mal̥egen.

2 Kata Koolent 12:17

Waa fíle, li akee li bukanabuku kan íboñuluumuu libuntumuul?

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 7:2

Jíyaboli li uyinumuul. Alóli jifetut li an. Jilowenut anoowan, ban jibuntut foof an min jiŋa’ wahawu woola.

Kata Galasi 1:20

Wahawu wan ikiiculuulumuu mal̥egen. Ateemit lahaase aan ímalut.

1 Kata Tesalonik 2:10

Bukuluul jammuu bukan kata káyinen jihaase bukuluul humumuul ban Ateemit foof lahaase kaanaku, buloŋabu ban áloli jiloŋumuu li bukuluul. Bulakolako buloŋ banabe, ban li bucol ban an ayilaat alob to wah wajakut.

1 Tímote 3:3

Jakum alako an ákaliyenoole mantee foof an ámuyitene bukan, bale laate akaan an ájoobiye buyinum ban li alako an abebene. Jakum lako an afañe sídalam ŋáa’.

1 Tímote 3:8

Kujaakulaku foof koote kulako bukan, kan ésukayi esuuwe ban jakum kulako bukan káhoolowe. Jakum kulako bukan kákaliyenoole, mantee foof bukan kaweelowe li sídalam.

Eleetalayi yan Fool akiicumuu Tit 1:7

Li mal̥egenamu, anahaan ata ejangu an kusene bulok bata Ateemit, jakum an ajuk majakut li akila. Jakum alako an atebenoolowe, an ahile kawuñet, an ákaliyenoole, an ámuyitene bukan, ban jakum alako foof an aweelowe li sídalam.

1 Fiyeel 5:2

jicookoo bumatabu ban Ateemit asenuulumuu jooken. Jifooy bo, ban inti loon bukan kan kutuuŋe, bale li buyinum básuume, loon Ateemit afañumuu. Jakum lako boot huŋes ebaj, bale lako li kasenoolo.

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.

Eleetalayi yan Súd akiicumuu 1:11

Katek kujow kulako li buko, mata kunannab li bakaanelabu bata Kayeŋ. Kuliimooliimoo mata sídalam síji, loon Balam akaanumuu. Kuhoohoy Ateemit loon kata Koole kuhoyumuu Móyiis, ban loon kata Koole kuniilomuu mo foof kommuu li kuniilo.