1 Kata Tesalonik 2:4 - Jola-Kasa

⁴ Bale loon Ateemit áyoobolimuu ban li ajuk kaanaku jitottook min ákatoli min jiwaale Hulimahu Hásuumaahu, mo foof jiwaale homuu loon afañumuu. Jiŋesut kakaan bukanabuku súumiil, bale kakaan Ateemit súumool, ahaasumuu wahawu wammuu li kúkowolaal.

1 Kata Tesalonik 2:4 ပူးပေါင်းရင်းမြစ်များ

Hulimahu Hásuumaahu loon Lík akiic homuu 12:42

Amaaŋenawu li aan Fiyeel: — Kama ayimaa ammuu aloka al̥egene ban li ájallo? Okila ammuu anawu an anahaanawu oola alakomuu li ajow kañaahoo, li aŋa’ kulokaabuku koola asenool aaken, ánaakum aseniil hutiñiil, taŋiil yata hutiñ báliiŋe.

Hulimahu Hásuumaahu loon Lík akiic homuu 16:11

Kama jijokutumuu jak ebajayi yata adunaayi inye, ayi li ayili asenuul ebajayi yaanomuu yata mal̥egen jooken?

Hulimahu Hásuumaahu loon Saŋ akiic homuu 21:17

Yéesu li alaañen agel̥l̥enool búhaajut aanool: — Simoŋ, awu ata Saŋ, lufañonfañ? Li jok Fiyeel ŋáa’, mata Yéesu lalaañenlaañen agel̥l̥enool búhaajut aanool: «Lufañonfañ?» Fiyeel li aanool: — Amaaŋen, awu jahaasumuu wahawu feh, luhaase oon lifañifañ. Muñeˈe Yéesu li aanool: — Ucookoo kúgalalaanaku kúmbaam.

Kata Lom 8:27

Ateemit ajukemuu wahawu wammuu li uyinumawu, lahaase waa Buyinumabu Banabaabu bufañe bul̥aw, mata Buyinumabu bul̥awel̥aw loon Ateemit afañumuu, boot li bukanabuku koola.

1 Kata Koolent 7:25

Muñeˈe mata bukanabuku kayabutumuu mantee foof kayabowutumuu, ibajut hulim háfulumulo li Amaaŋenawu han éemi li isenuul. Bale boot min ihin isen kayinoolom, ínje jan káyiyenaku kata Amaaŋenawu kújimuu léemi an an joote jíkangum li akila.

1 Kata Koolent 9:17

Nokooleenumuu loon ínje humumom imane min ikaan bulokabu umbu, manooman fan ibajeen bacaam, bale emmuu búteb ban Ateemit asenom, fan ikaan bulokabu ban asenommuu kakaan.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 5:11

Alóli jihaase waa wommuu kákoli Amaaŋenawu, ban jumbuku li huŋes min jikaan bukanabuku min kútiiwo boot boola. Ateemit akila láhaasoli jak, ban lenseen bukuluul foof jihaasom jak li uyinumuul.

2 Kata Koolent 5:16

Mó mújimuu, muñeˈe áloli let jíhaasum an li bóono bata ál̥ahukowan. Maayeet min kite eenimuu no, li bóono bata ál̥ahukowan áloli jíhaasume Kilisita, bale muñeˈe let jíhaasumool loon muñaˈa.

Kata Galasi 1:10

Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.

Kata Galasi 2:7

Bale, kujuujuk kaanaku Ateemit laboñomboñ kawaale Hulimahu Hásuumaahu bukanabuku kaletumuu kusuwif, loon aboñumuu Fiyeel ajow awaale ho kusuwifaku.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

Kata Efées 6:6

Jítuuliil, ban jakum lako buko to bale, mantee li kusaluul, bale jikaan nanoonan bulokabu booluul li uyinumuul feh loon Ateemit afañumuu, mata bukuluul emiikeel yata Kilisita joom.

Kata Kolos 3:22

Emiikeelaye, jítuul kunahaanuul kata baabe li etaam li wahawu feh. Jilok boot li buko, ban inti buko to bale loon eenimuu huŋes kakaan bukan súumiil jifañe, bale jikaan mo li buyinum bajake li kákoli kata Amaaŋenawu.

1 Tímote 6:20

Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

2 Tímote 1:14

Ujok jak, li búlambenum bata Buyinumabu Banabaabu bammuu li alolaal, wahawu wajakaawu wan kusenimuu ooken.

2 Tímote 2:2

Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.

Eleetalayi yan Fool akiicumuu Tit 1:3

Nan taŋayi yan Ateemit ammuu Afakenaawu oololaal ajokumuu ejowe éliiŋumuu, li áhiis Hulimahu hoola li kúboñaku kan asenommuu, ban li aanom ijow iyiiŋen ho.

Eébulo 4:13

Bajut búwuwenum ban Ateemit ayilaat ajuk. Wahawu feh úhimulohimulo ban li uweeteni hákilool, ban anoowan li alolaal fan abil alob asenool mata wahawu feh wan akaanumuu.

1 Fiyeel 4:11

An áakimuu káji kata elob, li anaak alob kulimaku kata Ateemit. An li áaki káji kata kalamben bukan, li akaan mo li sembaasu san Ateemit asenemuu, bájum Ateemit li ásalumi li wahoowah feh jówum li Yéesu Kilisita, akilumuu máyiineniyamu li sembaasu boot nanoonan. Aameen!

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.