1 Kata Tesalonik 2:2 - Jola-Kasa

² Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.

1 Kata Tesalonik 2:2 ပူးပေါင်းရင်းမြစ်များ

Bakaanelabu 14:3

Bale Fool buko li Balunabaas li kulako Ikóniyom fiyo jakee. Li kunaak kulob li kabaneyiil, li káwoolu ló li Amaaŋenawu li wah wan an ajuulelut, min áhiis kaanaku kulimaku kan kuwaaleyemuu mata kájiyaku koola, mal̥egen.

Bakaanelabu 14:5

Kusuwifaku, li kákaanumutumuu li Ateemit balewool, li kunahaanaku kooliil li kulako kágoluloo bánum li kúcoocikoo Fool buko li Balunabaas, min kutekiil kuyitik kumuk.

Bakaanelabu 16:12

To untu jíjowummuu boot Fílib, yammuu ésukayi yáamakayi yata etaamayi yata Maseduwaan, yan kata Lom kookenumuu. Li jikaan li ésukayi inyu kunak kameeŋe.

Bakaanelabu 16:19

Nan kunahaanabuku kata jísungutaaju kujukumuu kaanaku kuyilaat muñeˈe kúbajum sídalam li jo, li kujok Fool buko li Silaas kújowetum boot tin kaayeenaku kata ésukayi, hákil kunahaanaku kata Lom.

Bakaanelabu 16:37

Bale Fool li aan bukanabuku kan kúboñulumuu: — Waa? Kújokoli kutek hákil ésukayi feh, buko bátiibutoli jak loon kaanemuu, áloli jammuu bukan kata Lom, ban li kúŋaloli kujow kukul̥! Líiŋ muñeˈe li kufañ min kúkatenoli an bahaasut? Let baj! Buko humumiil kubil kúkatenoli!

Bakaanelabu 17:1

Muñeˈe Fool buko li Silaas li kújowum Anfífoliis kulo Afoloni, ban li kuhaaŋ boot Tesalonik tan Kusuwifaku.

Bakaanelabu 17:17

Li anaak áwonnoo li eluufayi yata kal̥awaku li bukan kaabuku kamanenemuu Ateemit. Li áwonnoo foof hunakoohunak li bukanabuku kan ammuu atook li kaayeenaku.

Bakaanelabu 19:8

Fúlum tó, Fool li ajow boot li eluufayi yata kal̥awaku, ban li aŋes min akaan min kajantenoomuu kúyinen.

Bakaanelabu 4:13

Muñeˈe kunahaanaku kata Kusuwifaku li kujuk koon Fiyeel buko li Saŋ kulollob li kabaneyiil. Nan kuhaasumuu koon kujangawut, ban foof kulet bukan káamak, li kusego ŋáa’. Li kuhaas foof koon Fiyeel buko li Saŋ kunaanaak kunaboo li Yéesu.

Bakaanelabu 4:20

Mata áloli jiyilaat jikat balobut wahawu wan jijukumuu, li wan jijamumuu.

Bakaanelabu 4:31

Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

2 Kata Koolent 3:12

Kákangumaku unku kan jibajumuu kújiwoliji li jilob li bukanabuku li káwoolu káamak ló.

Kata Kolos 2:1

Li mal̥egenamu, lifañe min jihaas buu bútajabu búsengimuu, ban éemimuu li bo boot li bukuluul, boot li kata ésukayi yata Lawodise, li boot li bukanabuku feh kahaasolutommuu.

1 Kata Tesalonik 1:5

Mata Hulimahu Hásuumaahu han jiwaalewuulumuu, inti li kulim bale jiwaale ho booluul. Bale jiwaalewuuwaale ho foof li sembe li búlambenum bata Buyinumabu Banabaabu, ban li káyinen ló kaanaku Hulimahu unhu mal̥egen. Bukuluul jihaase buu áloli jiloŋumuu li bukuluul boot li majake mooluul.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.