1 Kata Tesalonik 1:8 - Jola-Kasa

⁸ Li mal̥egenamu, hulimahu hata Amaaŋenawu booluul húfulummuu. Ban inti li etaamayi yata Maseduwaan li yata Akaay bale hujami. Bale kaciimanciimaku kata káyinenaku kooluul li Ateemit kujamijam foof tanootan. Mó lí múji laañut jókoli min jilob mata ko.

1 Kata Tesalonik 1:8 ပူးပေါင်းရင်းမြစ်များ

Bakaanelabu 18:12

Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,

Kata Lom 1:8

Boot min ijand ísalum Ateemit úmbaam li kajaw kata Yéesu Kilisita humum hooluul, mata bukanabuku kulobelob mata káyinenaku kooluul tanootan li etaamayi.

Kata Lom 15:26

Li mal̥egenamu, bukanabuku kata Ateemit kammuu li etaamayi yata Maseduwaan li kammuu li etaamayi yata Akaay kujoojok min kulamben bukanabuku kata Ateemit ban li kukaan kusukateen kata ésukayi yata Yeelusalem.

Kata Lom 16:19

Li mal̥egenamu, bukanabuku feh kuhaase buu jítuulumuu Hulimahu Hásuumaahu. Mó mújimuu, súumonsuum ŋáa’ li bukuluul, bale lifañe min jibaj bújallo boot kakaan majake, ban jakum jikat wah min újiwuul li jikaan majakut.

1 Kata Koolent 14:36

Waa, jonsoon fíle Hulimahu hata Ateemit booluul húfulumulo? Bale waa jonsoon booluul bale húliiŋulo?

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

2 Kata Koolent 3:4

Káwooluwaku unku áloli jibajumuu hákil Ateemit, humum hata Kilisita.

Kata Kolos 3:16

Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

2 Kata Tesalonik 1:4

Mó mújimuu, áloli húmumoli li jinaak jisaloolo mooluul li sijanguwasu sata Ateemit, mata min bukuluul jítukumuu lit ban li jiloŋ li jíyinen li Yéesu, maayeet min bukanabuku kúlaamenuulumuu ban li kuyokenuul ŋáa’.

2 Kata Tesalonik 3:1

Kutuyom, muñeˈe jil̥aw boot li áloli mantee Hulimahu hata Amaaŋenawu li hunaak huhaŋ majamo ŋáa’ ban li huluukeni tanootan loon huluukenimuu foof booluul.

1 Tímote 2:8

Lifañe kama tanootan feh, kánayinaabuku li kuteb kuŋeniil kanabe min kul̥aw, ban jakum kukaan mo li etindihuuñ ló mantee foof li búñakoo kulim ló.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

3 Saŋ 1:12

Bale Démetiliyus ésukayi feh elollob majake eya li akila, ban mal̥egenamu mammuu li akila mujukijuk li buloŋabu boola. Alóli húmumoli foof jilollob majake jiya li akila, ban luhaase oon áloli wahawu wan jilobemuu mal̥egen.

Búhiisenumabu 14:6

Fúlum tó, li ijuk amalaka akee li anaak áyititoo haatiya tiya emitayi. Li aaken Hulim Hásuume hata boot nanoonan, han aate alob bukanabuku feh kakinumuu li etaamayi, kata sihetasu feh, kata utoŋawu feh, kata silobasu feh li kata sísukasu feh.

Búhiisenumabu 22:17

Buyinumabu li Abúwaawu li koon: «Ubil!» An ajamumuu wahawu unwu li aan foof: «Ubil!» An bahob bujokoolumuu li abil. An afañumuu malamu mata buloŋabu, li abil aŋa’ mo ban let acaam.