1 Kata Tesalonik 1:3 - Jola-Kasa

³ Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 1:3 ပူးပေါင်းရင်းမြစ်များ

Hulimahu Hásuumaahu loon Saŋ akiic homuu 14:15

— Nokoomuu loon jifañonfañ, fan jinab li kulimaku kan ilobuulumuu.

Hulimahu Hásuumaahu loon Saŋ akiic homuu 15:10

Jítuulumuu kulimaku kúmbaam, fan jilako li húbooliyahu húmbaam, loon ínje humumom ítuulumuu kulimaku kata Atuubawom, min eeno li húbooliyahu hoola.»

Bakaanelabu 10:31

Li aanom: «Kooluney, Ateemit layayyab kal̥awaku kooli ban amojenut kalambenaku kan ulambenemuu kusukateenabuku.

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Kata Lom 12:12

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 15:4

Wahawu feh wakiici nomuu kat to, ukiicikiic boot kaliikenolaal wah. Li mal̥egenamu, Bakiicelabu busenewolaasen kátintimben min útukaal lit, boot yok nan oomaalumuu li ubajaal wahawu wan úkangumaalumuu li wo.

Kata Lom 16:26

Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

Kata Lom 16:6

Jisaafom Mali alokumuu ŋáa’ boot li bukuluul.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

1 Kata Koolent 13:13

Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.

1 Kata Koolent 15:58

Kutuyom kan iboolaat, mó mújimuu jítuk lit ban jakum jíwanwangoo. Jihanken nanoonan min jiŋa’ uyinumuul feh jikaan li bulokabu bata Amaaŋenawu, mata jihaase joon bulokabu bayoonenimuu ban jommuu li kakaanaku boot li Amaaŋenawu, inti kakaal̥o.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Galasi 6:9

Jakum ukataal kakaan majake; mata ukatutaalumuu kakaan majake, nan hunakahu hommuu li húliiŋ, fan ubajaal kúwaagen kajake.

1 Kata Tesalonik 3:6

Bale muñeˈe, Tímote álaañumulomuu booluul, lálobolilob kulim kásuume mata káyinenaku kooluul li húbooliyahu hooluul. Li amit áanoli kama jiloŋe li jíwayil̥owoli jak, ban jifañe min jíjukoli, loon óloli foof jifañumuu min jijukuul.

2 Kata Tesalonik 1:11

Mó mújimuu, áloli jikatut kal̥aw boot li bukuluul. Jil̥awel̥aw Ateemit oololaal mantee li akaanuul jilako bukan katooke buloŋabu ban ahooñuulumuu boot. Jil̥awool̥aw mantee li alambenuul li sembaasu soola, min jikaan majakaamu feh man jifañumuu min jikaan, ban li akaan min baloŋelabu booluul búhiis kaanaku jibabbaj káyinen.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

1 Tímote 1:14

Bale Amaaŋenawu oololaal li áhiisom másuumamu moola ŋáa’, ban li asenom káyinen li húbooliyahu hammuu li Yéesu Kilisita.

1 Tímote 2:3

Wahawu unwu ujakumuu ban li úsuum Ateemit ammuu afakenaawu ololaal,

Eébulo 10:36

Tootook min jihanken min jítuk lit, jiyiliwum jikaan wahawu wan Ateemit afañumuu, min jíbajum tó wahawu wan alobumuu kasen.

Eébulo 11:17

Káyinen kújimuu Abulaham li aŋa’ Isaak boot asila, nan Ateemit ayooboolumuu min ajuk. Mal̥egen Abulaham li alako li asila añoolool anolawu Isaak, imban Ateemit lalobeenoolob kaanaku fan asenool wah.

Eébulo 13:21

Ateemit ajow akaanuul min jiyili jikaan wahoowah feh wajake, mantee li jikaan loon afañumuu. Ajow ájowum li Yéesu Kilisita akilimuu máyiineniyamu boot nanoonan, min akaan li ololaal wahawu wásuumoolumuu. Aameen!

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Eébulo 6:15

Mal̥egen Abulaham li ahanken min akob, li abaj wahawu wan Ateemit alobumuu kasenool.

1 Fiyeel 3:4

bale moote mulako majak mata káta láala buyinumabu booluul, mammuu majak mayilaat mukajen, mata buyinum bájoobiye li básuume. Majakamu ummu mubajumuu jáliŋ ŋáa’ hákil Ateemit.

1 Saŋ 3:18

Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.

1 Saŋ 3:21

Kufaalom, li bil nokoo loon buyinumabu boololaal boonutolaal ukaanutaal jak, li ubajaal kákangum hákil Ateemit.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.

1 Saŋ 5:3

Mata húbooli Ateemit, ho hommuu kakaan loon siluwaasu soola silobumuu. Ban kakaan loon siluwaasu soola silobumuu, séngiwut.

Búhiisenumabu 2:19

Lihaase wahawu wan ukaanemuu. Lihaase húbooliyahu hooli li káyinenaku kooli, bulokabu booli li kahankenaku kooli. Lihaase een bulokabu booli búbanumabe buhaŋe maluuk bútinaalabu.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.