1 Kata Tesalonik 1:10 - Jola-Kasa

¹⁰ Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

1 Kata Tesalonik 1:10 ပူးပေါင်းရင်းမြစ်များ

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 3:7

Nan Saŋ ajukumuu Kufaaliisiyeŋ li Kusaduusiyeŋ kameeŋe li kubil boot min ábatiiseyiil, li aaniil: — Sil̥aal̥akase! Ayimaa ahebuluul buu jóomi li jikaan min jifak li katekaku kaanomuu li ebil kata etindihuuñayi yata Ateemit?

Hulimahu Hásuumaahu loon Lík akiic homuu 2:25

Muñeˈe li baj Yeelusalem ánayine akee an koone Simiyoŋ. Simiyoŋ lakankaan an acole ban li átuul Ateemit. Li alako banaak anawu ammuu li afaken Isilayeel. Buyinumabu Banabaabu bulakolako li akila.

Hulimahu Hásuumaahu loon Lík akiic homuu 3:7

Muñeˈe Saŋ li aan búsukabu babilumuu boot min ábatiiseyiil: — Sil̥aal̥akase! Ayimaa abuntuluul aanuul jíbatiisemuu li jifak li katekaku kaanomuu li kubil kata etindihuuñayi yata Ateemit?

Bakaanelabu 1:11

Kánayinaabuku kúl̥ubaaku li kooniil: — Kánayinaabuke káfummulomuu Gálile, kama wáa újiye li joono taatu li kal̥uyo haatiya emitayi? Yéesu ummu, an Ateemit aŋa’muu li bukuluul ájowetum boot li emitayi, fan abil álaañul foof manolamu loon jijukoolumuu li ajow boot ló.

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

Bakaanelabu 2:24

Bale Ateemit li ayitenumulool li eketayi, min afakenool li sílaam sata eket. Mata li mal̥egenamu eketayi ebajut sembe sanoosan li Yéesu.

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Kata Lom 1:4

Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 4:25

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Kata Lom 8:34

Ayimaa ayilo atiibiil min abetiil li katek? Maayeet ano! Yéesu Kilisita okila aketumuu, ban aketut bale, layitowuuyitowul li eketayi, ban muñeˈe ummu kaŋen káli kata Ateemit, min anaak al̥aw boot li alolaal.

1 Kata Koolent 1:7

Mó mújimuu bajut káji kakee kata Ateemit kasaŋowuul, bukuluul jammuu li banaak nan Amaaŋenawu oololaal Yéesu Kilisita ammuu li álaŋul.

Kata Galasi 3:13

Kilisita lahahhal min afakenolaal li katekaku kabilummuu li eluwaayi, min akila humumool aŋa’ katekaku kan alolaal ooteenaalumuu ubajaal. Li mal̥egenamu, kikkiic kaanaku: «Anoowan aleeyi li hunuk ajow ayok aket to, labaje Katek.»

Kata Fílib 3:20

Bale alolaal, bukan kata Jáyiiyaju jata Ateemit loomaal, májimuu loonowaal li kakob min Afakenaawu oololaal ammuu Amaaŋenawu Yéesu Kilisita abil.

Kata Kolos 1:18

Okila ammuu húkowahu hata eniilayi yáamimuu Ejanguwayi; okila ammuu húkitumahu, okila ajandumuu ayitowumul li eketayi, bájum li ahaŋ wahoowah feh.

1 Kata Tesalonik 1:7

Muñowu jóonowummuu bukittenoolum boot li bukanabuku feh káyinenumuu li Yéesu, kammuu li etaamayi yata Maseduwaan li yata Akaay.

1 Kata Tesalonik 2:16

Li kufañeen min kúhiloli jíwaalewum bukanabuku kaletumuu kusuwif, Hulimahu hayilimuu hufakeniil. Muñowu kúhaŋummuu mawuuhen uhoofoolawu wooliil wan kufinemuu min kukaane kábilum no. Ban muñeˈe etindihuuñayi yata Ateemit elowe li buko.

1 Kata Tesalonik 2:7

maayeet min áloli jiyiliyeenumuu jituuŋuul jíluukenoli, áloli jammuu Kufootal, jikaanut mo. Bale nan jilakomuu li bukuluul jíboobooluubooboo loon anaale ábooboolemuu bañoolool.

1 Kata Tesalonik 5:9

Mata, Ateemit akaanutolaal to boot min ubil ubujaal katek li etindihuuñayi yoola, bale min úbajumaal kafakaku li Amaaŋenawu oololaal Yéesu Kilisita.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 10:27

Wahawu wasaŋomuu, wo wommuu kakob li ekole ló batiibabu bata Ateemit li sambunasu sásufaasu sammuu li sileemen kulatoolaaku koola.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

1 Fiyeel 3:18

mata Kilisita humumool lálallaam ñano ban kale, boot li uhoofoolawu wata bukanabuku. Okila jacolumuu, li aket boot li bukanabuku kacolutumuu, bájum li ájowetumuul boot bata Ateemit. Bukanabuku kumuumuk eniilayi yoola yata ál̥ahukowan, bale Buyinumabu bata Ateemit li bukaanool álaañul li buloŋ.

2 Fiyeel 3:12

Bukuluul jumbuku li kakob min Hunakahu hata Ateemit húliiŋ, ban joote jikaan manooman min húliiŋul cab. Hunakahu unhu emitayi yommuu li ésulo ejow eleem mootoj, min wahawu wáami lómuu ubuuwo li hásufaahu hata sambunasu.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.