1 Fiyeel 5:8 - Jola-Kasa

⁸ Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

1 Fiyeel 5:8 ပူးပေါင်းရင်းမြစ်များ

Máciya 13:39

Alatoolaawu abetumuu emaanobasuuwayi, akila ammuu Sayitaane. Ecacayi, yo yommuu nan buloŋabu umbe bommuu li buban. Kucacaaku, buko kommuu kumalakaabuku.

Máciya 24:42

Mo emmuu kama jíkaanum, mata jihaasut hunak hay Amaaŋenawu ooluul ammuu li álaañul.

Máciya 25:41

«Fúlum tómuu, áyiiyawu fan abil aan bukanabuku kammuu kaŋenool kamay: “Jíloyiyom, bukuluul jan Ateemit ajokumuu bukan kajakut! Jijow li sambunasu sáhokoweliitumuu, sakaanimuu boot li Sayitaane li kumalakaaku koola!

Máciya 4:1

Muñeˈe Buyinumabu Banabaabu li bújowetum Yéesu boot li kayiinaayaku, bájum Sayitaane li abuntoolool bo.

Máciya 4:11

Muñeˈe Sayitaane li akat Yéesu. Kumalaka li kubil boot tan Yéesu alakomuu min kulambenool.

Maak 4:15

Bukan kukee kunokoonokoo li kagenden kata bútin tan hulimahu hulomuu. Nan kommuu kuyaan kujam hulimahu, Sayitaane li ayaan abil aluuc ho li uyinumiil dán hul̥ukimuu áfulen li buko.

Hulimahu Hásuumaahu loon Lík akiic homuu 21:34

— Jíkaanum! Jakum jiŋa’ buyinumuul feh jikaan li kagaan li ehob, mantee foof li buyinaabu bata buloŋabu umbe. Jikaan momuu, hunakahu nan Añool-An ammuu li álaañul fan huyaan hugoobuul.

Hulimahu Hásuumaahu loon Lík akiic homuu 21:36

Jijuke to, min jinaak jil̥aw nanoonan, mantee li jibaj sembe min jifak li wahawu wammuu li ubaj, min jiyito hákil Añool-An.

Hulimahu Hásuumaahu loon Lík akiic homuu 22:31

Muñeˈe Yéesu li aan: — Simoŋ, Simoŋ, Sayitaane lal̥awul̥aw mantee li aheefenuul foofuul feh loon an aheefenemuu emaano min áfulen bakakelabu jata bo li búhulabu jata bo.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

2 Kata Koolent 2:11

jakum bil Sayitaane ájowum tó abuntolaal, mata luhaasaale waa wommuu li buyinumool.

Kata Efées 4:27

Jakum jikat Sayitaane min abaj bútin li bukuluul.

Kata Efées 6:11

Jiŋa’ ujunkowawu feh wan Ateemit asenemuu jooken, mantee li jiyili jitiik li Sayitaane li bakaanelabu boola feh.

1 Tímote 2:15

Bale anaalaawu kabukoolaku koola fan kújiwool li afak, nokoomuu loon látuutuk lit káyinenaku li húbooliyahu, li abaj buloŋ banabe, ban li awalenoolo.

1 Tímote 2:9

Lifañe foof min kaalaabuku kunaak kukoko búkoko bal̥uule, balewoo to ban li kawalenoolo ló. Jakum kúsangenoolum buhec batiineniye ŋáa’, mantee éwulus li usis, mantee foof wañ waseele.

1 Tímote 3:11

Li manolamu, kanaalaabuku foof kammuu kujaakul koote kulako kanaale kan ésukayi esuuwe, ban jakum kunaak kúloboo bukan. Kootut foof kuwuuhen li wahoowah, ban li kulako bukan kabajut búhoolo banooban.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

Eleetalayi yan Fool akiicumuu Tit 1:8

Laate alako an ayabe boola bukan jak, ban li afañ majake. Laate alako an abaje buyinum ban li acol, an ata Ateemit ban li ayili hujokoo.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Eleetalayi yan Fool akiicumuu Tit 2:2

Ulob kánayinaabuku kahallenumuu ooniil kootut kuwuuhen li wahoowah. Koote kulako bukan kasuuneniye, bukan kabaje uyinum, kalite li káyinenaku, li húbooliyahu ban li kuhanken to jaj.

Eleetalayi yan Fool akiicumuu Tit 2:4

Kuliiken kama kanaalaabuku kañiilomuu hufañ kúyiniil li bañooliil.

Eleetalayi yan Fool akiicumuu Tit 2:6

Uwankulen foof báfulabu min kubaj uyinum.

Saak 4:7

Mó mújimuu, jítuul Ateemit. Jiceeŋ Sayitaane, fan atey áloyiwuul.

1 Fiyeel 1:13

Wahawu unwu újimuu joote jikaan to uyinumuul, ban li jíkaanum. Jiŋa’ kákangumaku kooluul feh jikaan li kájiyaku kan jommuu li jiyab nan Yéesu Kilisita ammuu li álaŋul.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

Búhiisenumabu 12:10

Muñeˈe li ijam li emitayi hulim li hulob butiya hoon: «Muñeˈe taŋayi yata kafakaku éliiŋe! Muñeˈe Ateemitawu oololaal láhiise sembaasu soola li jáyiiyaju joola! Muñeˈe huhaanaahu hunhu li kuŋenaku kata Afakenaawu ammuu oola! Mata anawu anaake ámalumuu akaan kutuyolaal kubetenoobeten tíyaŋ emitayi, akila anaake ayitomuu hákil Ateemit oololaal min ámal akaaniil etihunaka aban ehuka.

Búhiisenumabu 12:12

Mó mújimuu, ésuumahukow ejow elako li emitayi li bukanabuku kakin dómuu! Bale búyiik bujow bulako li etaamayi li halahu! Mata Sayitaane láwalowulo boot li bukuluul, mawuñete ŋáa’. Lahaase aan taŋayi yasaŋowoolumuu efamut.»

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 20:10

Muñeˈe li kujok Sayitaane anaake abuntiilumuu kubeten li buwokaay bata sambun li batolok básoyiye ŋáa’, dán énuukuleŋayi yákoyileniyaayi foof yommuu li anawu ámalumuu aan afulofet laam. Fan kúlaam dó ŋáa’ etihunaka kuban ehuka, boot nanoonan.

Búhiisenumabu 20:2

Li ajok éjunfuulayi yammuu enuukayilaayi yahaanayi, ban li yoono foof Ammalawu mantee foof Sayitaane. Amalakaawu li ajok yo ajenk boot simit soono énjunne.