1 Fiyeel 4:7 - Jola-Kasa

⁷ Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

1 Fiyeel 4:7 ပူးပေါင်းရင်းမြစ်များ

Máciya 24:42

Mo emmuu kama jíkaanum, mata jihaasut hunak hay Amaaŋenawu ooluul ammuu li álaañul.

Máciya 25:13

Yéesu li aan: — Mó mújimuu jíkaanum, mata jihaasut hunakahu li ewaatuwayi nan Añool-An ammuu abil.

Hulimahu Hásuumaahu loon Lík akiic homuu 21:34

— Jíkaanum! Jakum jiŋa’ buyinumuul feh jikaan li kagaan li ehob, mantee foof li buyinaabu bata buloŋabu umbe. Jikaan momuu, hunakahu nan Añool-An ammuu li álaañul fan huyaan hugoobuul.

Hulimahu Hásuumaahu loon Lík akiic homuu 21:36

Jijuke to, min jinaak jil̥aw nanoonan, mantee li jibaj sembe min jifak li wahawu wammuu li ubaj, min jiyito hákil Añool-An.

Hulimahu Hásuumaahu loon Lík akiic homuu 22:46

Yéesu li aaniil: — Wáa újiye li joono li kámooli? Jiyito jil̥aw jakum bil jilo li jabunt.

Kata Lom 12:12

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

1 Kata Koolent 15:24

Fúlum tómuu, wahawu feh li ukit uban, nan Kilisita ammuu li aniilen uyinumawu feh wajakutumuu, li huhaane hanoohan, li sembe sanoosan aban, li alaañen Jáyiiyaju asen Ateemit Atuubaawu.

1 Kata Koolent 7:29

Kutuyom, wahawu wan ifañumuu ilob wo wommuu unwe: taŋayi yasaŋomuu efamut. Bukanabuku kayabumuu koote kuloŋ loon bukan kayabut, yaan muñeˈe.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 4:5

Jikaan min bukanabuku feh kuhaas májoobi buyinumabu mooluul. Amaaŋenawu muñeˈe li álaañul.

Kata Kolos 4:2

Jihanken li kal̥awaku ban li jijooŋoo to li ko, min jinaak jisal Ateemit.

2 Tímote 4:5

Bale awu, jakum uwuuhen li wahoowah. Umúñ sílaamasu. Ukaan bulokabu bata awaaleya ata Hulimahu Hásuumaahu, ban li ukaan bulokabu feh ban Ateemit asenimuu kakaan.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Eébulo 10:25

Jakum ukataal bo kuwoogaku koololaal loon kukee kukaanemuu, bale unaak uwankulenoolaal, emmuu kama jijuke kaanaku hunakahu hata Amaaŋenawu húkoojulo.

Eébulo 9:26

Letumuu mo, kama fan álaameen ñameeŋe kábilum nan adunaayi ejuul̥imuu. Li mal̥egenamu, Kilisita lálaŋuulaŋul ñano ban kale muñeˈe, nan adunaayi ebanumee, boot kasenoolo okila humumool loon kasila, boot káfulen kahoofoolaku.

1 Fiyeel 1:13

Wahawu unwu újimuu joote jikaan to uyinumuul, ban li jíkaanum. Jiŋa’ kákangumaku kooluul feh jikaan li kájiyaku kan jommuu li jiyab nan Yéesu Kilisita ammuu li álaŋul.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

Búhiisenumabu 16:15

Amaaŋenawu li aan: «Jijanten, fan ibil loon ákuu! Awólo anawu aatutumuu ámooli min afooy wañawu woola, jakum bil ajow bákolotoo min abaj ñisuu hákil bukanabuku feh.»